ក្រុមហ៊ុនឈើនៅប្រទេសឥណ្ឌូណេស៊ី ទទួលពិន័យជាទឹកប្រាក់ចំនួន១.២ពាន់លានដុល្លារ ដោយសារការកាប់ព្រៃខុសច្បាប់
(ហ្សាកាតា)៖ ក្រសួងបរិស្ថាន និងការពារព្រៃឈើនៃប្រទេសឥណ្ឌូណេស៊ី បានទទួលជ័យជម្នះ នៅក្នុងការដាក់ពាក្យបណ្តឹងពាក់ព័ន្ធនឹងករណីកាប់ព្រៃខុសច្បាប់ បន្ទាប់ពីតុលាការកំពូល បានបង្គាប់ឲ្យក្រុមហ៊ុនឈើដ៏ធំមួយបង់ប្រាក់ពិន័យប្រមាណ១.២ពាន់លានដុល្លារអាមេរិក។ នេះបើតាមការចេញផ្សាយដោយ ទីភ្នាក់ងារព័ត៌មានចិន ស៊ិនហួរ នៅយប់ថ្ងៃព្រហស្បតិ៍ ទី១៧ ខែវិច្ឆិកា ឆ្នាំ២០១៦។
លោក Rasio Ridho Sani អគ្គនាយកនៃនាយកដ្ឋានអនុវត្តន៍ច្បាប់របស់ក្រសួងខាងលើ បានថ្លែងទៅកាន់ក្រុមអ្នកសារព័ត៌មាននៅថ្ងៃព្រហស្បតិ៍នេះថា «ការសម្រេចចិត្តនេះគឺស្របទៅនឹងកិច្ចខិតខំប្រឹងប្រែងរបស់ពួកយើង ដែលតែព្យាយាមធ្វើការកត់សម្គាល់ពីបញ្ហាយុត្តិធម៌ នៅក្នុងវិស័យបរិស្ថាន ជាពិសេសគឺរឿងព្រៃឈើតែម្តង ហើយពួកយើងសង្ឃឹមថា ទង្វើនេះនឹងអាចធ្វើឲ្យក្រុមហ៊ុនផ្សេងៗមានការខ្លាចរអាលែងហ៊ានប្រព្រឹត្តខុសឆ្គងតទៀត ដោយសារតែការពិន័យនេះគឺអាចចាត់ទុកបានថា ជារឿងធ្ងន់ធ្ងរជាងគេបង្អស់ពុំធ្លាប់មានឡើយនៅក្នុងប្រវត្តិសាស្រ្តជាតិពាក់ព័ន្ធនឹងករណីកាប់ឈើខុសច្បាប់បែបនេះ»។
ក្រុមហ៊ុនកាប់ឈើឈ្មោះ Merbau Pelalawan ត្រូវគេរកឃើញថា បានរំលោភបំពាននូវកិច្ចព្រមព្រៀងទាក់ទងនឹង ដីសម្បទានទំហំ៥,៥៩០ហិកតា ស្ថិតក្នុងខេត្ត Riau នៃកោះស៊ូម៉ាត្រា ដែលទទួលបានពីរដ្ឋាភិបាលឥណ្ឌូណេស៊ីកាលពីឆ្នាំ២០០២ ហើយបើយោងតាមតុលាការកំពូល ក្រុមហ៊ុនមួយនេះបានផ្តន្ទាទោស ពីបទកាប់ឈើខុសច្បាប់ នៅក្រៅផ្ទៃដីសម្បានកាលពីឆ្នាំ២០០៤ ដល់ឆ្នាំ២០០៦ ដែលបានបណ្តាលឲ្យបាត់បង់ព្រៃឈើប្រមាណ១,៨៧៣ហិកតា។
គួរបញ្ជាក់ដែរថា ខេត្ត Riau នៃប្រទេសឥណ្ឌូណេស៊ី បានប្រឈមនឹងការកាប់ព្រៃឈើយ៉ាងសន្ធឹកសន្ធាប់ ឥតស្រាកស្រាន្ត បន្ទាប់ពីមានការកើនឡើងនូវតម្រូវការ នៃផលិតកម្មក្រដាសនៅក្នុងទីផ្សារអន្តរជាតិ៕
- មេដឹកនាំពិភពលោក ចិន-អាមេរិក ណាត់ជួបគ្នាដោយផ្ទាល់ នៅអាទិត្យក្រោយ តើនឹងមានអ្វីកើតឡើង?? (30/03/2017 15:02:00)
- កាត់ក្បាល ប្រពន្ធ យួរពេញផ្លូវ រួចដុតសាកសព ផ្អើលគេផ្អើលឯង ទាំងកណ្តាលថ្ងៃ (30/03/2017 14:43:00)
- ដល់ក, មន្រ្តីទូតអាមេរិក ត្រូវចាប់ឃាត់ខ្លួន ជុំវិញការចោទប្រកាន់ ទទួលសំនូក រាប់ម៉ឺនដុល្លារពីចារកម្មចិន (30/03/2017 14:06:00)
- ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត (29/03/2017 16:16:00)
- ផ្ទុះបាតុកម្ម ហឹង្សា នៅកណ្តាលទីក្រុង ល្បី ក្រោយប៉ូលីស បាញ់សម្លាប់ជនជាតិ ចិន ដល់ផ្ទះ (29/03/2017 15:27:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ការពិត ចឹងសោះ បានជណ្តើរយន្ត គ្រោះថ្នាក់ វិល ថយក្រោយ បណ្តាលឲ្យមនុស្ស ១៨នាក់ របួស (មានវីដេអូ) (27/03/2017 15:40:00)
- សិស្សវិទ្យាល័យ ៦នាក់ រងនូវការសម្លាប់ ដោយបាក់ផ្ទាំងទឹកកក នាព្រឹកថ្ងៃច័ន្ទនេះ (27/03/2017 14:36:00)
- សូម្បីតែ អ្នកសំអាត ក៏ក្លាយជាអ្នកមានដែរ, Porsche ប្រកាសឲ្យ Bonus គ្រប់ៗគ្នា ក្នុង១នាក់ជិត 14.000$ (25/03/2017 09:59:00)