ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត
អន្តរជាតិ ៖ អ្នកនាំពាក្យរដ្ឋាភិបាលទីក្រុងប៉េកាំង បានលើកឡើងនៅថ្ងៃពុធនេះថា កោះតៃវ៉ាន់គឺជាកម្មសិទ្ធិ ផ្តាច់មុខរបស់ចិនតែមួយ ហើយការចង់ទាមទារឯករាជ្យភាពរបស់កោះមួយនេះ នឹងគ្មានថ្ងៃអាចធ្វើទៅរួចជាដាច់ខាត។ នេះបើតាមការចេញផ្សាយដោយទីភ្នាក់ងារព័ត៌មានចិន ស៊ិនហួរ នៅមុននេះបន្តិចនារសៀលថ្ងៃពុធ ទី២៩ ខែមីនា ឆ្នាំ២០១៧។
ការគូសបញ្ជាក់ធ្ងន់ៗបែបនេះរបស់លោក Ma Xiaoguang អ្នកនាំពាក្យការិយាល័យកិច្ចការតៃវ៉ាន់នៃក្រុមប្រឹក្សារដ្ឋចិន បានធ្វើឡើងនៅក្នុងសន្និសីទសារព័ត៌មានមួយនាថ្ងៃពុធនេះ។ នៅក្នុងឱកាសនោះលោក Ma បានថ្លែងថា «យើងនឹងនៅតែបន្តគោរពប្រតិបត្តិតាមកិច្ចព្រមព្រៀងកាលពីឆ្នាំ១៩៩២ រវាងចិន និងតៃវ៉ាន់ ហើយយើងនឹងខិតខំប្រឹងប្រែងធ្វើយ៉ាងណា សម្រេចឲ្យបាននូវការបង្រួបបង្រួមគ្នាឡើងវិញដោយសន្តិភាព ប៉ុន្តែនឹងមិនអនុញ្ញាតឲ្យក្រុមអ្នកគាំទ្រឯករាជ្យនៃកោះតៃវ៉ាន់ណាមួយ មកឆក់ផ្តាច់យកកោះមួយនេះចេញពីចិនបានជាដាច់ខាត»។
ជាចុងក្រោយនៅពេលត្រូវបានចោទសួរអំពីសកម្មភាពរបស់កោះតៃវ៉ាន់ ជាមួយអង្គការអន្តរជាតិ លោក Ma បានឆ្លើយតបទៅវិញថា ការរៀបចំត្រូវតែធ្វើឡើងតាមរយៈការពិគ្រោះយោបល់គ្នារវាងចិន និងតៃវ៉ាន់ នៅក្រោមគោលការណ៍ក៏ដូចជាគោលនយោបាយចិនតែមួយ៕
ប្រភព ៖ ស៊ិនហួរ
- មេដឹកនាំពិភពលោក ចិន-អាមេរិក ណាត់ជួបគ្នាដោយផ្ទាល់ នៅអាទិត្យក្រោយ តើនឹងមានអ្វីកើតឡើង?? (30/03/2017 15:02:00)
- កាត់ក្បាល ប្រពន្ធ យួរពេញផ្លូវ រួចដុតសាកសព ផ្អើលគេផ្អើលឯង ទាំងកណ្តាលថ្ងៃ (30/03/2017 14:43:00)
- ដល់ក, មន្រ្តីទូតអាមេរិក ត្រូវចាប់ឃាត់ខ្លួន ជុំវិញការចោទប្រកាន់ ទទួលសំនូក រាប់ម៉ឺនដុល្លារពីចារកម្មចិន (30/03/2017 14:06:00)
- ផ្ទុះបាតុកម្ម ហឹង្សា នៅកណ្តាលទីក្រុង ល្បី ក្រោយប៉ូលីស បាញ់សម្លាប់ជនជាតិ ចិន ដល់ផ្ទះ (29/03/2017 15:27:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ការពិត ចឹងសោះ បានជណ្តើរយន្ត គ្រោះថ្នាក់ វិល ថយក្រោយ បណ្តាលឲ្យមនុស្ស ១៨នាក់ របួស (មានវីដេអូ) (27/03/2017 15:40:00)
- សិស្សវិទ្យាល័យ ៦នាក់ រងនូវការសម្លាប់ ដោយបាក់ផ្ទាំងទឹកកក នាព្រឹកថ្ងៃច័ន្ទនេះ (27/03/2017 14:36:00)
- សូម្បីតែ អ្នកសំអាត ក៏ក្លាយជាអ្នកមានដែរ, Porsche ប្រកាសឲ្យ Bonus គ្រប់ៗគ្នា ក្នុង១នាក់ជិត 14.000$ (25/03/2017 09:59:00)
- កាន់តែវីវរ, បញ្ជា ត្រឹមតែ ៥ ថ្ងៃ ឲ្យប្រមូលសាច់ ត្រលប់មកវិញ ពី ៣ ក្រុមហ៊ុន ប្រេស៊ីល ក្រោយផ្ទុះអាស្រូវ (25/03/2017 09:28:00)
ព័ត៌មានអន្តរជាតិ ដែលមើលច្រើន
