CamNews

(ភ្នំពេញ)៖ តារាសម្តែង​ជើង​ថ្មី និយមបញ្ចេញដើមទ្រូងបង្អួតគេឯង កញ្ញា វណ្ណ វល័ក្ខ ថ្មីៗនេះ ត្រូវ​បានភពទម្លាយថា នាង​បាន​ចំណាយ​លុយ​ ខ្ទង់រាប់ពាន់ដុល្លារ ដើម្បីចេញទៅ​ប្រទេសថៃ ធ្វើការ​វះកាត់​​ពង្រីកកែសម្រស់ ​ដើម​ទ្រូងឲ្យ​មូលក្បំស្រស់ស្អាត​​ ខុសប្លែកពីធម្មជាតិ ក្នុងន័យបង្កើនការចាប់អារម្មណ៍ និងការគាំទ្រ ពីសំណាក់មហាជន ឆ្ពោះទៅកាន់ភាពល្បីល្បាញ ដូចតារាដទៃ។

ជាការកត់សម្គាល់ កញ្ញា វណ្ណ វល័ក្ខ បន្ទាប់ពីមានឈ្មោះល្បីគួរសម ក្នុងទីផ្សារសិល្បៈមកនោះ នាងក៏ហាក់មានភាពខុសប្លែក សម្រាប់ជីវភាពរស់នៅប្រចាំថ្ងៃ ទាំងភាពហ៊ឺហា និងការលេងខ្លួនស្លៀកពាក់បែបសិចស៊ី បញ្ចេញដើមទ្រូង គល់ភ្លៅ រួមនឹងរន្ធផ្ចិតជាដើម។ មិនតែប៉ុន្តែថ្មីៗនេះ នាងក៏ធ្វើឲ្យមានការរំជើបរំជួល អារម្មណ៍អ្នកគាំទ្រ និង ក្រុមបុរសមានទ្រព្យផងដែរ ខណៈតារាស្រីរូបនេះ បានបញ្ចេញបង្ហោះរូបថតស្លៀកពាក់ខើចលើខើចក្រោម ជាបន្តបន្ទាប់នៅក្នុងសង្គមហ្វេសប៊ុក ផ្ទាល់ខ្លួន។

ប្រភពពីរង្វង់អ្នកសិល្បៈ បាននាំគ្នានិយាយ​ខ្សឹប​ខ្សៀវ​​ អំពី​ការ​បង្អួត​សម្រស់​ដើម​ទ្រូង ដ៏​ទ្រលុក​ទ្រលន់​របស់​តារា​សម្តែងស្រី កញ្ញា វណ្ណ វល័ក្ខ ស្របពេលលេច​ឮ​ដំណឹង​ថា តារាស្រីវ័យក្មេងរូបនេះ​ បាន​ចំណាយលុយមិនក្រោមខ្ទង់រាប់ពាន់ដុល្លារនោះទេ ក្នុងការវះកាត់​ពង្រីក​ដើ​ម​ទ្រូង​ ឲ្យមូល​ក្បំ​ ដើម្បីជាផ្នែកដ៏សំខាន់ ក្នុងការទាក់ទាញយកការចាប់អារម្មណ៍ ពីសំណាក់មហាជនអ្នកគាំទ្របន្ថែមទៀត ។

ប្រភពដដែលបានបង្ហើបថា កន្លងមកនេះតារាសម្តែង​ វណ្ណ វល័ក្ខ ធ្លាប់ត្រូវបានបុរសជា​សង្សារ រស់នៅក្នុងស្រុកម្នាក់ បាននាំនាងទៅកម្សាន្តនៅប្រទេសថៃ និង​បាន ឧបត្ថម្ភប្រាក់ ឲ្យនាងកែសម្រស់បន្ថែម​លើកសម្រស់ធម្មជាតិ ពិសេស​ដើមទ្រូងដែលមិនសូវសម្បូរសាច់នោះ ឲ្យឡើងមូល​ក្បំ ដោយការជ្រើសយកវិធីសាស្រ្តវះកាត់ ធ្វើឲ្យដើមទ្រូងនាងពេលនេះ មើលទៅគួរឲ្យគ្រឺតក្នាញ់ ជាងពេលមុនៗទៅទៀត។ ដោយឡែកសម្រាប់លុយ ដែល​ត្រូវចំណា​យ​មាន​​រហូតខ្ទង់២​ ឬ៣ពាន់ដុល្លារឯណោះ។

ជួបជាមួយ Khmertalking តាមទូរស័ព្ទ តារាសម្តែងស្រី វណ្ណ វល័ក្ខ បាននិយាយទទួល​ស្គាល់​ការពិតថា នាងបានចំណាយលុយប្រមាណជិត៤ពាន់ដុល្លារ ដើម្បីចេញទៅធ្វើការវះកាត់​កែ​ដើមទ្រូង នៅថៃពិតមែន។ ប៉ុន្តែលុយដែលត្រូវចំណាយទាំងនេះ ពុំមែនជា​លុយបានមកពីការឧបត្ថម្ភ របស់បុរសណាម្នាក់ឡើយ វាជាលុយផ្ទាល់ខ្លួន ដែលនាងសន្សំបាន​ពីការងារសិល្បៈ។

កញ្ញា វណ្ណ វល័ក្ខ បាននិយាយបន្ថែមថា បើគិតរហូតមកទល់ពេលនេះ មានរយៈពេលជាង១ ខែមកហើយ ដែលនាងវះកាត់កែសម្រស់ ដើមទ្រូងនៅថៃ។ ម្យ៉ាងទៀត ការវះកាត់កែដើមទ្រូងពីធម្មតាជាតិនេះ ក៏នាងគ្មានបំណងចង់លាក់បាំង មហាជននោះដែរ គឺរាល់ការសួរនាំទាំងប៉ុន្មាន នាងតែងនិយាយប្រាប់ឲ្យគេបានដឹង ដោយត្រង់ៗមិនថា ជាអ្នកសារព័ត៌មាន ឬមិត្តភក្តិរួមអាជីព និងទស្សនិកជននោះទេ៕

ផ្តល់សិទ្ធដោយ ៖ ហ្វ្រេសញូវអាស៊ី