ថៃ ៖ មុនពេលចូលរោងការនៅថ្ងៃទី ២៤ ខែធ្នូ ឆ្នាំ ២០១៧ ខាងមុននេះ តារាសម្តែងថៃ នាង Margie rasri និងអនាគតស្វាមីសេដ្ឋីរបស់នាងគឺ លោក Pok Chirathivat បាននាំគ្នាទៅពិគ្រោះជាមួយគ្រូពេទ្យ ដើម្បីពិភាក្សារឿងយកកូន ។
នៅក្នុងនោះផងដែរ លោក Pok Chirathivat និយាយថា លោកពិតជាចង់បានកូនខ្លាំងណាស់ ខណៈពេលដែលគ្រូពេទ្យបានប្រាប់ថា លោកនឹងគ្មានកូន ប្រសិនបើលោកនៅតែបន្តបារីជារឿយៗបែបនេះ ។
គួរបញ្ជាក់ឲ្យដឹងថា អនាគតស្វាមីនាង Margie rasri ចេះជក់បារីអស់រយៈពេលជាង ១២ ទៅ ១៣ ឆ្នាំហើយ ពោលគឺតាំងពីលោកនៅជាយុវវ័យមកម្ល៉េះ ។ លោក Pok Chirathivat បន្តប្រាប់គ្រូពេទ្យថា លោកដឹងថាការជក់បារីវាមិនមែនល្អសម្រាប់សុខភាពទេ ហើយលោកផ្ទាល់ក៏ព្យាយាមផ្តាច់បារីជាច្រើនលើកដែរ ប៉ុន្តែនៅតែធ្វើមិនបាន ៕
ប្រែសម្រួល ៖ គន្ធា
ប្រភព ៖ sanook