CamNews

(ភ្នំពេញ)៖ ដំណើរវិលត្រឡប់មក ស្រុកកំណើតរបស់តារាសម្ដែង និងជាតារាបង្ហាញម៉ូដ ធ្លាប់មានប្រជាប្រិយភាព អ្នកនាង សារាយ សក្ខណា បានមកដល់ស្រុកខ្មែរ វិញហើយនៅវេលាថ្ងៃត្រង់ ថ្ងៃទី១១ ខែកុម្ភៈ ឆ្នាំ២០១៦នេះ ដោយមានតារាសម្ដែង និងអ្នកជិតស្និទ្ធបានទៅអបអរសាទរ ទទួលរាក់ទាក់យ៉ាងកក់ក្ដៅ ដល់ព្រលានយន្តហោះអន្តរជាតិភ្នំពេញ។

ការវិលត្រឡប់មកកាន់ប្រទេសកម្ពុជា ជាទឹកដីកំណើតជាថ្មីនេះ ត្រូវបានប្រភពព័ត៌មានបង្ហើបថា មានរយៈពេលយូរគួរសម អាចមិនវិលទៅរស់នៅអាមេរិកវិញក៏ថាបាន ព្រោះកន្លងមកធ្លាប់មានការទម្លាយថា នាងបានរត់ការឯកសារដើម្បីនាំគ្រួសារមករស់នៅស្រុកខ្មែរវិញ ខណៈការងាររបស់នាងកំពុងរង់ចាំគ្រប់ពេលវេលា ជាពិសេសការសម្ដែង ពិធីការិនី ដើរម៉ូដ និងច្រៀងជាដើម ។

សូមបញ្ជាក់ថា អតីតតារាសម្តែងពូ​កែ​សម្រក់ទឹកភ្នែក អ្នកនាង សារាយ សក្ខណា បន្ទាប់ពីសម្រេ​ចចិត្តរៀបអាពាហ៍ពិពាហ៍ ជាផ្លូវការ​ជាមួយបុរសអាណិជនខ្មែរអាមេរិក នឹងបានចេញទៅរស់នៅ សាងសុភមង្គលស្នេហា ជាប្តីប្រពន្ធ អស់រយៈពេលមួយសន្ទុះធំ រហូតបានចំណងដៃកូនស្រីម្នាក់​ផង​នោះ ឥឡូវ​ត្រូវបានប្រភពទម្លាយថា នាងសុំស្វាមី ដើម្បីបំពេញឯកសារនាំកូនត្រឡប់ មករស់នៅក្នុងស្រុកខ្មែរ ​។

ប្រភពពីអ្នកជិតស្និទ្ធ ជាមួយនាងបានបង្ហើបប្រាប់គេហទំព័រ Khmertalking ឲ្យដឹងថា ​សារាយ សក្ខណា បានស្វះស្វែង ដើម្បីរៀបចំធ្វើឯកសាផ្ទេរសុំ ត្រឡប់វិល​ម​ករស់នៅ​ស្រុកខ្មែរ បន្ទាប់ពីរស់នៅជាមួយស្វាមី​ និងក្រុមគ្រួសារសាច់ថ្លៃ អស់រយៈពេលប៉ុន្មានឆ្នាំម​ក ​​។ ការវិលត្រឡប់របស់អតីតតារាស្រី នាង សារាយ សក្ខិណា នៅពេល​​នេះ​ គឺនាងក៏មានគម្រោងយកកូនស្រី អាយុប្រហែលមួយខួប មកជាមួយគ្នាផងដែរ។

ដោយឡែកសម្រាប់ស្វាមីរបស់ អ្នកនាង សារាយ សក្ខណា គឺលោក កែវ មេត្រី ត្រូវបាន​ប្រភ​ព ដដែលនេះបញ្ជាក់ថា លោកមិនត្រឡប់មករស់នៅស្រុកខ្មែរ តាមភរិយា និងកូនស្រីជាទីស្រ​លា​ញ់របស់ខ្លួនឡើយ ព្រោះលោកត្រូវរស់នៅបំពេញការងារ នៅទីនោះដូចមុនដដែល គ្រាន់តែប្តីរបស់នាង ​មានគម្រោងឡើងចុះមកប្រទេសកម្ពុជា ក្នុងមួយឆ្នាំ៤ឬ៥ដង ដើម្បីមកលេងជួបជុំភរិយា និង​កូនតែ​ប៉ុណ្ណោះ។

ដំណើរនៃការវិលត្រឡប់ ពីសំណាក់តារាស្រីនាង សារាយ សក្ខណា ដើម្បីមករស់នៅស្រុកខ្មែរ​ពេលនេះ មិនត្រូវបានប្រភពណា បញ្ជាក់ប្រាប់ច្បាស់នៅឡើយទេថា បណ្ដាលមកពីមូលហេតុអ្វី​​ប្រាកដ​ ​ឬមួយមានបញ្ហាអ្វីនោះទេ៕
​

ផ្តល់សិទ្ធដោយ ៖ ហ្វ្រេសញូវអាស៊ី