នាឡិកាដាំពេជ្រ តម្លៃជាងពីរសែនដុល្លារ ជាអំណោយប្រណិតសម្រាប់មិត្តស្រីអ្នក

ម៉ូដែល

នាឡិកាដាំពេជ្រ តម្លៃជាងពីរសែនដុល្លារ ជាអំណោយប្រណិតសម្រាប់មិត្តស្រីអ្នក

03:32 PM 17.07.2013
Print Email

ប្រសិនអ្នកមានបំណងចង់ជូនកាដូមានតម្លៃ ដែលអាចឱ្យចងចាំបានគ្រប់ពេលវេលាដល់មិត្តស្រី
ក្នុងថ្ងៃខួបកំណើត ហេតុអ្វីក៏មិនជ្រើសរើសយកកាដូដែលអាចវាស់វែងពេលវេលាបាន ព្រោះថា
នាឡិកាពិសេស គឺជាមិត្តរួមដំណើរដែលមិនអាចខ្វះបានសម្រាប់បណ្ដានារីថ្លៃថ្នូ ទាន់សម័យ និង
ទាក់ទាញ។

ដើម្បីប្រើប្រាស់នាឡិកាជាអំណោយដល់មិត្តស្រីក្នុងថ្ងៃពិសេស អ្នកគួរតែជ្រើសរើសនាឡិកា
ដែលមានលក្ខណៈថ្លៃថ្នូ និងប្រើបានយូរអង្វែង ដូច្នេះ Montblanc Pétales de Rose ពិតជាម៉ូដែល
នាឡិកាដ៏ស័ក្ដិសមសម្រាប់ក្លាយជាអំណោយរបស់អ្នក។

ស្ថិតនៅក្នុងកម្រងផលិតផល Collection Princesse Grace de Monaco នាឡិកា Montblanc
Pétales de Rose គឺជាកំពូលស្នាដៃដែលត្រូវបានបង្កើតឡើងរវាងវិស័យផលិតគ្រឿងអលង្ការ
និង នាឡិកា លំដាប់ប្រណិត។ នាឡិកានេះ ត្រូវបានធ្វើឡើងអំពីមាស.ស ១៨ការ៉ាត ជាមួយ
និងពេជ្រជិត ៨,៨ការ៉ាត។

ផ្ទៃខាងលើរបស់លេខនាឡិកា ត្រូវបានធ្វើឡើងអំពីសម្បកគ្រាប់គុជខ្យង និងពេជ្រ។ ទ្រនិច
នាឡិកា ក៏មានដាំពេជ្រផងដែរ ចំណែកខ្សែនាឡិកា ត្រូវបានរចនាឡើងដូចទៅនឹងផ្កាកុលាប
ពេជ្រ ប្រកបដោយភាពទាក់ទាញបំផុត។