CamNews

(ភ្នំពេញ)៖ ជីវិតរស់នៅឈ្មោះជាស្រ្តីមេម៉ាយពីរនាក់ម្តាយកូន របស់អតីតតារាសិចស៊ី អ្នកនាង ឆយី ថ្វីត្បិតតែសព្វថ្ងៃ នាងត្រូវជួបការលំបាកខ្លះៗ នៅក្នុងខ្សែជីវិតដ៏កំសត់បំពេញតួនាទី ធ្វើជាម្តាយល្អ​មើលថែកូនស្រីតែម្នាក់ឯង ​ខ្វះភាពកក់ក្ដីពីស្វាមី​ពិតមែន ប៉ុន្តែនាងមិនដែលរុញរា ឬចុះ​ចាញ់អស់សង្ឃឹម លើខ្លួនឯងឡើយ ទោះបីមានពេលខ្លះនាងត្រូវប្រឈមមុខ ជួបបញ្ហាស្មុគស្មាញច្រើន សម្រាប់ជីវិត។

ការតស៊ូជំនះរាល់ឧបសគ្គ ដោយឈលើគោលដៅ ដ៏រឹងមាំនេះហើយ នឹងធ្វើឲ្យជីវិតរបស់ម្តាយកូនអ្នកទាំងពីរ កាន់តែមានភាពប្រសើឡើង សម្រាប់វិថីអនាគត។ ពិសេសក៏បានប្រែក្លាយជីវិត របស់អតីតតារាស្រី នាង ឆយី ឲ្យគេចផុតពីរណ្តៅទុក្ខព្រួយរបស់ខ្លួនបានផងដែរ។ ម្យ៉ាងទៀត​ក​ម្លាំងចិត្ត​ ដែ​ល​បា​នមកពីកូនស្រី ដ៏ស្រស់ស្អាត់នឹងគួឲ្យស្រលាញ់ ក៏ជាចលកយ៉ាងសំខាន់​ ស​ម្រា​ប់ជម្រុញ​ទឹកចិត្តនាង ឆយី រួចពីភាពសៅហ្មងទាំងឡាយ ឬអាចនិយាយបានថា ជាការរំ​ដោះ​គ្រោះ ក៏ថាបាន។

ជាការពិតថ្មីៗនេះ នៅលើបណ្តាញសង្គមហ្វេសប៊ុក របស់តារាសម្តែងស្រីមានឈ្មោះជាស្រីមេម៉ាយអត់ប្តី អ្នកនាង ឆយី បានសរសេរបង្ហោះសារ ជាបន្តបន្ទាប់ថា «ឈឺចាប់អ្វីផ្សេងអាចទ្រាំបាន..... តែឈឺចាប់នឹងស្នេហា..ហេតុអីមានអារម្មណ៍ថា ដូចមានអីចាក់ក្នុងបេះដូងព្រើត ....​ឈឺចាប់បំផុត....វេនាទ្រាំបំផុត....។ ​រាល់ថ្ងៃនេះនិយាយត្រង់ កុំបានកាទ្រីតហ្នឹងកំដរទេ(កូនស្រី)...កុំអីឆ្កួតដើរស្រាត នៅមាត់ទន្លេបាត់ហើយ ...!!»។

សូមបញ្ជាក់ថា កន្លងមកពុំធ្លាប់មាននរណាម្នាក់ដឹងទេថា តារាសម្តែងសិចស៊ីធ្លាប់សម្ញែងបញ្ចេ​ញសាច់ដើមទ្រូង មិនប្រណីដៃអ្នកនាង ឆយី បានភ្ជាប់ទំនាក់ទំនងស្នេហា​ ស៊ី​ជម្រៅ​ជាមួយបុរ​ស​ណាម្នាក់ ជាផ្លូវការឡើង សូម្បីតែអ្នកនៅក្នុងរង្វង់សិល្បៈ ជាមួយគ្នានោះ។ ប៉ុន្តែ​ភាព​ភ្ញាក់ផ្អើ​ល​បានកើតឡើង ក្រោយពេលតារាស្រីរូបនេះ ចេញមុខប្រកាសបើកចំហថា ខ្លួនមានកូន និង បានសម្រាលដោយវិធីវះកាត់។ បើគិតរហូតមកទល់ពេលនេះ សំណាង ទេពី កូនស្រីជាទី​ស្រ​លាញ់របស់ ឆយី គឺមានអាយុ ៦ខែទៅហើយ ខណៈមុខមាត់ឪពុកមិនត្រូវបានបង្ហាញជាសាធារណៈ រហូតដល់ ឆយី ទម្លាយក្ដីឈឺចាប់ជាចំហបែបនេះ មានន័យថា ស្នេហាបែបភ្លើងចំបើងមួយនេះ អាចឈានដល់ផ្លូវបំបែកបាត់ទៅហើយ៕

ផ្ដល់សិទ្ធដោយ៖ ហ្រ្វេសញ៉ូវអាស៊ី