Tevez អាចនឹងចាកចេញពីក្លឹប Boca ទៅលេងឲ្យក្លឹប នៅប្រទេសចិនវិញរដូវកាលនេះ
(ប៉េកាំង)៖ អតីតកីឡាករខ្សែប្រយុទ្ធជួរមុខរបស់ក្លឹប Juventus, Carlos Tevez អាចនឹងបន្តចាកចេញពីក្លឹប Boca Juniors របស់អាហ្សង់ទីន ទឹកដីដំណើតខ្លួន ទៅលេងឲ្យក្លឹបនៅប្រទេសចិនវិញនៅក្នុងរដូវកាលនេះ ក្រោយពីភ្នាក់ងារ ផ្លាស់ប្តូរកីឡាករកំពុងចរចាគ្នា ស្របពេលដែល លីកនៅចិន ទើបតែចាប់ផ្តើមរដូវកាលថ្មីទើបបាន១សប្តាហ៍ប៉ុណ្ណោះ ។
សារព័ត៌មាន Squawka បានផ្សាយថា កីឡាករវ័យ៣២ឆ្នាំ Tevez បានកំពុងស្ថិតក្នុងបញ្ជីលក់របស់ក្លឹប Boca ជាបន្តទៀតហើយ ក្រោយពីការ ត្អូញត្អែររបស់ភ្នាក់ងារដោះដូរកីឡាករនាពេលកន្លងមកជុំវិញប្រាក់ពលកម្មរបស់គេ ដែលទើបតែផ្លាស់មកលេងមិនទាន់បាន១រដូវកាលផង បន្ទាប់ពីផ្លាស់ចេញពីក្លឹបសេះបង្កង់ Juventus របស់អ៊ីតាលីនារដូវកាលមុន ក្រោយរងជើងឯក Champions League និងឈ្នះជើងឯក Serie A ២សម័យកាលជាប់ៗគ្នា ។
ការផ្លាស់មកលេងនៅក្នុងក្លឹបថ្មី Boca របស់អាហ្សង់ទីនមួយនេះ Tevez ទើបតែស៊ុតបញ្ចូលទីបាន៦គ្រាប់ ពីការចូលលេងបាន១៨ប្រកួតទាំង ត្រដាបត្រដួស ដោយបញ្ហារបួសដែរនោះ ខណៈពេលដែលភ្នាក់ងារដោះដូរកីឡាករ អាចនិយាយនាំគេទៅលេងនៅលីកប្រទេសចិន ឬក៏នៅអារ៉ាប់រួមក៏ថាបាន ។
បើសិនជាមានការផ្លាស់ប្តូរមែននោះ Carlos Tevez លេងឲ្យក្លឹបបាន៧ហើយ ក្នុងជីវិតជាកីឡាករអាជីពរបស់គេមាន ដូចជា ក្លឹប Corinthian របស់ប្រេស៊ីល West Ham United, Manchester United និង Manchester City របស់អង់គ្លេស Juventus របស់អ៊ីតាលី និងក្លឹប Boca របស់អាហ្សង់ទីន ៕
ផ្តល់សិទ្ធដោយ ៖ ហ្វ្រេសញូវអាស៊ី
- ក្រុមអ្នកគាំទ្រ Man United ទាមទារសំលាប់ Carlos Tevez (17/05/2012 10:45:00)
- Man City ស្វាគមន៍និងទទួល ពាក្យសូមទោសរបស់ Tevez (22/02/2012 16:02:00)
- Manchester City នឹងមិនលើកលែងអោយ Tevez (05/10/2011 14:10:00)
កីឡាអន្តរជាតិ ដែលមើលច្រើន
