Man Utd ព្រមព្រៀងក្នុងការផ្ទេរ Pogba ក្នុងតម្លៃ ១០០លានផោនហើយ និងត្រៀមចុះកិច្ចសន្យានា
(មេនឆេស្ទើ)៖ ក្លឹបបិសាចក្រហម Manchester United របស់អង់គ្លេសសម្រេចទិញបានកីឡាករខ្សែបម្រើជនជាតិបារាំង Paul Pogba ពីក្លឹបសេះបង្កង់ Juventus របស់អ៊ីតាលីក្នុងតម្លៃបំបែកកំណត់ត្រាថ្មី ១០០លានផោន។
សារព័ត៌មាន Dialymail បានផ្សាយឲ្យដឹងនៅព្រឹកថ្ងៃទី០៤ ខែសីហា ឆ្នាំ២០១៦ នេះថា ក្លឹបជើងខ្លាំងនៅក្របខណ្ឌកំពូល Premier League បានសម្រេចនៅយកអតីតកីឡាករដែលបានចាកចេញពីទឹកដី Old Trafford ក្នុងឆ្នាំ២០១២ ត្រឡប់មកវិញហើយ ហើយក៏ជាតម្លៃខ្លួនថ្លៃបំផុតផងដែរ ក្នុងកំណត់ត្រាទិញ-ដូរកីឡាករប្រចាំឆ្នាំ២០១៦នេះ ក្រោយពេលខ្សែប្រយុទ្ធជនជាតិអាហ្សង់ទីន Gonzalo Higuain បានផ្លាស់ចេញពីក្លឹប Napoli ទៅលេងឲ្យក្លឹប Juventus វិញនោះ។
គ្រូបង្វឹកថ្មីក្នុងក្លឹប Man Utd លោក Jose Mourinho បានបញ្ជាក់ថា «យើងនឹងចុះកិច្ចសន្យាជាមួយកីឡាថ្មីមួយទៀត មុនរដូវកាលថ្មីចាប់ផ្តើមថ្ងៃទី១៣ សីហាខាងមុខ ដែលនឹងត្រូវជួបក្រុម AFC Bouremouth នៅថ្ងៃបើកឆាក Premier League»។
សូមបញ្ជាក់ផងដែរថា កីឡាករខ្សែបម្រើ វ័យ២២ឆ្នាំ Paul Pogba មិនបានរួមដំណើរទៅប្រកួតលក្ខណៈមិត្តភាពបែប ទេសចរណ៍នៅប្រទេសអូស្រ្តាលីឡើយ ដោយគេយកពេលទៅលំហែកាយនៅសហរដ្ឋអាមេរិក ក្រោយពេលចប់បេសកកម្ម ជួយក្រុមជម្រើសជាតិមាន់គកបារាំង ក្នុងយុទ្ធនាការ Euro 2016 ដោយបានត្រឹមតែលេខ២ បន្ទាប់ពីព័រទុយហ្គាល់ ១-០ នៅវគ្គផ្តាច់ព្រ័ត្រនោះ៕
ផ្តល់សិទ្ធដោយ ៖ ខ្មែរថកឃីង
កីឡាអន្តរជាតិ ដែលមើលច្រើន
