អាមេរិក បណ្តេញគ្រូបង្វឹកបាល់ទាត់លើកទី៣៥ Klinsmann ចេញពីតំណែង
(ញូវយ៉ក)៖ សហព័ន្ធកីឡាបាល់ទាត់អាមេរិក បានសម្រេចចែកផ្លូវជាមួយគ្រូបង្វឹកជនជាតិអាល្លឺម៉ង់ សញ្ជាតិអាមេរិក លោក Jurgen Klinsmann ជាផ្លូវការហើយម្សិលមិញនេះ បន្ទាប់ដឹកនាំប្រកួតផ្លូវការចាញ់២ប្រកួតជាប់គ្នា ក្នុងវគ្គជម្រុះ World Cup 2018 នាពេលថ្មីៗនេះ។
តាមរយៈសារព័ត៌មាន BBC របស់អង់គ្លេសបានចេញផ្សាយថា បុរសវ័យ៥២ឆ្នាំ Klinsmann ជាគ្រូបង្វឹកទី៣៥ ដែលបានចូលដឹកនាំក្រុមជម្រើសជាតិអាមេរិក ស្ថិតក្នុងតំបន់អាមេរិកខាងជើង (CONCACAF) តាំងពីឆ្នាំ២០១១ មានរយៈពេលត្រឹមតែ៥ឆ្នាំប៉ុណ្ណោះ បន្ទាប់ពីលាលែងពីដឹកនាំក្រុមជម្រើសជាតិអាល្លឺម៉ង់បានត្រឹមជាប់លេខ៣ ក្នុងទឹកដីកាលពីយុទ្ធនាការ World Cup 2006។
មូលហេតុចំណងដែលធ្វើឲ្យអតីតកីឡាករខ្សែប្រយុទ្ធក្លឹប Tottenham Hotspur ខាងលើបាត់បង់តំណែងនោះ គឺដោយសារដឹកនាំក្រុមជម្រើសជាតិអាមេរិកចាញ់២ប្រកួតជាប់គ្នាក្នុងវគ្គជម្រុះ World Cup 2018 នៅប្រទេសរុស្ស៊ី ប្រចាំតំបន់អាមេរិកខាងជើង (CONCACAF) ក្រោមថ្វីជើងរបស់ក្រុមភ្ញៀវមិចស៊ិច ២-១ មុនទៅចាញ់ម្ចាស់ផ្ទះកូស្តារីកា ៤-០ ដាច់ គ្មានពិន្ទុរាប់ ឈរនៅបាតតារាងបណ្តោះអាសន្ន។
សហព័ន្ធបាល់ទាត់អាមេរិក កំពុងសំលឹងមើលគ្រូបង្វឹកចាស់លោក Bruce Arena ដែលកំពុងដឹកនាំជោគជ័យក្នុងក្លឹបអាជីព LA Galaxy បន្តដឹកនាំបន្ត គ្រាដែលគ្រូបង្វឹកជនជាតិអាមេរិកដូចគ្នា Arena ធ្លាប់ដឹកនាំឈុតធំមួយនេះបាន ៨ឆ្នាំដែរកាលពីអំឡុងឆ្នាំ១៩៩៨ ដល់ឆ្នាំ២០០៦៕
គ្រូបង្វឹក Jurgen Klinsmann
ផ្តល់សិទ្ធដោយ ៖ ខ្មែរថកឃីង
កីឡាអន្តរជាតិ ដែលមើលច្រើន
