CamNews

(ភ្នំពេញ)៖ នាឱកាសថ្ងៃអាពាហ៍ពិពាហ៍ របស់តារាសម្តែង គង់ ច័ន្ទស្រីមុំ និងលោក គឹម សីហា ថ្ងៃ​ទី១៤ ខែមីនា ឆ្នាំ២០១៦នេះ អតីតតារាស្រីសម្រេចចិត្តលែងលះ ជាមួយស្វាមី អ្នកនាង យ៉ាន លីនដា បានធ្វើវីដេអូផ្ញើ​ជូនពរ ដល់គូ​ស្វាមី-ភរិយាពួកគេទាំងពីរ។ លើសពីនេះក៏បានរៀបចំកាដូរ​យ៉ាងពិសេស គឺកន្លែងក្រេប​ទឹ​ក​ឃ្មុំ រយៈពេល៣យប់៤ថ្ងៃ នៅកោះ Ma​ldiv​es​។

តារាស្រីរូបស្រស់អ្នកនាង យ៉ាន លីនដា បាននិយាយ តាមរយៈវីដេអូ មានរយៈពេល៣នាទី​រប​ស់​ខ្លួនថា «ថ្ងៃនេះជាថ្ងៃពិសេសរបស់ប្អូនស្រី គង់ ច័ន្ទស្រីមុំ និង គឹម សីហា ដែលបានសម្រេ​ច​ចិត្ត រៀបអាពាហ៍ពិពាហ៍។ បងសូមជូនពរឲ្យប្អូនទាំងពីរ ជួបតែសុភមង្គល និងការស្រឡាញ់គ្នាចេះតែកើតឡើង មើលថែរក្សាគ្នា រហូតចាស់កោងខ្នង ហើយបងពិតជាសោកស្តាយណាស់ ដែលមិនបានចូលរួម កម្មវិធីអាពាហ៍ពិពាហ៍ របស់ប្អូនទាំងពីរក្នុងថ្ងៃនេះ.!»។

អ្នកនាង យ៉ាន លីនដា បានបន្តថា «ទោះបីជានាង មិនបានមកចូលរួមពិធីអាពាហ៍ពិពាហ៍របស់ គង់ ច័ន្ទស្រីមុំ និងលោក គឹម សីហា ដោយសារមានបញ្ហាផ្ទាល់ខ្លួន យ៉ាងនេះ​ក៏ពិតមែន តែនា​ងក៏​បានត្រៀមកា​ដូរ ជាកន្លែងស្នាក់នៅក្រេបទឹកឃ្មុំ នៅដែនកោះ Ma​ldiv​es រយៈពេល៣យប់​៤ថ្ងៃ ដើម្បីឆ្លើយតបតាមការប្រាថ្នា​ចង់បាន ពី​គូស្នេហ៍អ្នកទាំងពីរ ដែលតែងនិយាយចង់ស្គាល់ទីនោះ»។

តារាស្រី​ យ៉ាន លីនដា បានន្ថែមថា «នាងក៏រអរគុណ ចំពោះការស្រឡាញ់រាប់អាន ដោ​យ​ស្មោះ​ចេញពីទឹក​ចិត្ត ពីសំ​ណា​ក់គូស្នេហ៍ គង់ ច័ន្ទស្រីមុំ និងលោក គឹម សីហា ដែលក​ន្លងមក​ធ្លាប់បានធ្វើរឿងល្អៗ សម្រាប់ជាការផ្តល់កំម្លាំងចិត្ត មិនថានាងនៅភ្នំពេញ ឬក្រៅស្រុកឡើយ»។

ចង់ដឹងកាន់តែច្បាស់ សូមទស្សនាឃ្លីបវីដេអូរបស់អ្នកនាង យ៉ាន លីនដា ដែលបាននិយាយ​ជូនពរ និងត្រៀមជាកា​ដូរ កន្លែងស្នាក់នៅក្រេបទឹកឃ្មុំ ដល់គូស្នេហ៍ គង់ ច័ន្ទស្រីមុំ និងលោក គឹម សីហា ខាងក្រោមនេះ ទាំងអស់គ្នា៖

- អាន ៖ គង់ ច័ន្ទស្រី​មុំ រៀបមង្គលការ គគ្រឹកគគ្រែង ថ្ងៃនេះ ជិត ១០០តុ នៅសណ្ឋាគារ សូហ្វីតែល

ផ្តល់សិទ្ធដោយ ៖ ហ្វ្រេសញូវអាស៊ី