Paul Pogba ត្រៀមលាចេញពី Juventus ដោយសារតែ Man Utd ឲ្យថ្លៃដល់ជាង ១០០លានផោន
(ប៉ារីស)៖ កីឡាករខ្សែបម្រើប្រយុទ្ធកំពុងឡើងជើង Paul Pogba ត្រៀមពាក្យលាទៅកាន់ក្លឹបសេះបង្កង់ Juventus មកលេងឲ្យក្លឹបបិសាចក្រហម Manchester United របស់អង់គ្លេសវិញ ក្រោមតម្លៃខ្លួនជាង ១០០លានផោន នេះបើយោងតាមសារព័ត៌មាន Dailymail។
ក្លឹបដែលមានគ្រូបង្វឹកថ្មីដឹកនាំលោក Jose Mourinho បានហ៊ានឲ្យថ្លៃ កីឡាករខ្សែបម្រើប្រយុទ្ធជនជាតិបារាំង Paul Pogba រហូតដល់ ១០៦លានផោន ដើម្បីផ្ទេរចេញពីទីក្រុង Turin មកកាន់ទីក្រុង Manchester វិញ នៅក្រោយបញ្ចប់ Euro 2016 នៅប្រទេសបារាំងចុងសប្តាហ៍នេះ ដើម្បីបញ្ចប់គូប្រជែង Real Madrid ដែលចង់បានកីឡាករវ័យ២៤ឆ្នាំនេះដូចគ្នាដែរនោះ។
ក្លឹបជើងឯកសេះបង្កង់ Juventus របស់អ៊ីតាលី ធ្លាប់បានបដិសេធម្តងរួចមក ជាមួយនឹងតម្លៃ ៨៥លានផោនសម្រាប់ តម្លៃខ្លួន Pogba នាពេលកន្លងមក តែពេលនេះប្រហែលជាការសម្រេចចិត្តលក់ Pogba មែនទែនហើយ គ្រាដែលកីឡាករវ័យក្មេងរូបនេះ ក៏បានបង្ហាញចំណាប់អារម្មណ៍ចង់ទៅលេងឲ្យក្លឹបចាស់ Man Utd វិញដែរនោះ៕
ផ្តល់សិទ្ធដោយ ៖ ខ្មែរថកឃីង
កីឡាអន្តរជាតិ ដែលមើលច្រើន
