(អាមេរិក)៖ ក្រឡេកមើលពីរឿងរ៉ាវ របស់អតីតគូស្វាមីភរិយា Angelina Jolie និង Brad Pitt វិញម្តង ដែលអ្នកទាំងពីរកំពុងតស៊ូក្តីក្តាំ ទាមទារសិទ្ធិគ្រប់គ្រង និងថែរក្សាកូនទាំង៦ ជាពិសេស Angelina ដែលចង់ឲ្យកូនៗ ទាំងអស់របស់នាង មករស់នៅជាមួយ ប៉ុន្តែមើលទៅវាហាក់ដូចជា ពិបាកបន្តិច ព្រោះកូនពីរនាក់របស់ពួកគេគឺ Pax និង Shiloh កំពុងតែស្នើសុំរស់ នៅជាមួយឪពុករបស់ខ្លួន។
ប្រភពមួយទម្លាយថា Pax និង Shiloh បានប្រាប់ម្តាយរបស់ពួកគេថា ខ្លួនចង់រស់នៅជាមួយ Pitt ជាឪពុក ហើយប្រសិន បើនេះជាការពិតនោះ ការចង់ឲ្យក្មេងទាំងពីរមករស់នៅ ជាមួយអាចនឹងពិបាកឈ្នះសម្រាប់ Angelina ជាម្តាយដែលបច្ចុប្បន្ននាង និង Pitt មានកូនទាំងអស់ ៦នាក់ដូចជា Maddox អាយុ១៥ឆ្នាំ, Pax អាយុ១២ឆ្នាំ, Shiloh អាយុ១០ឆ្នាំ, Zahara អាយុ១១ឆ្នាំ និងកូនភ្លោះ Knox, Vivienne អាយុ៨ឆ្នាំ ហើយកូនទាំងអស់ក៏បានរស់នៅជាមួយម្តាយ ជាបណ្តោះអាសន្ននៅឯផ្ទះ Malibu ។
Zahara, Knox និង Vivienne មិនបាននិយាយអ្វី ពីការចង់រស់នៅជាមួយខាងណាទេ លើកលែងតែ Maddox ដែលចង់រស់នៅជាមួយ Angelina ជាម្តាយហើយពេលនេះ រឿងទាមទារសិទ្ធិចិញ្ចឹមកូននេះ ក៏មិនទាន់ដាច់ស្រេចដែរ ព្រោះ Brad កំពុងស្ថិតក្រោមការស៊ើបអង្កេត ពីក្រុម DCFS នៅឡើយពាក់ព័ន្ធនឹងការប្រើហិង្សាលើ Maddox ជាកូនដែល ជាមូលហេតុនាំឲ្យ Angelina ដាក់ពាក្យប្តឹងសុំលែងលះ នេះឡើង៕
ផ្តល់សិទ្ធដោយ ៖ ខ្មែរថកឃីង