CamNews

កាលពីពេលថ្មីៗនេះ គេហទំព័រកំសាន្ត អនឡាញ ដ៏ល្បីល្បាញមួយរបស់ ប្រទេសវៀតណាម
ពិសេសសំរាប់មិត្តៗយុវវ័យ បានធ្វើការចុះផ្សាយអត្ថបទមួយស្តីពី ពិធីការី ដ៏ស្រស់ស្អាតរបស់
ប្រទេសកម្ពុជាយើងគឺ កញ្ញា ហ៊ិន ចាន់និរ័ត្ន ដោយបានសរសើរពីរូបសម្ផស្ស ដ៏ស្រស់សោភា
របស់នាង ព្រមទាំង ប្រៀបប្រដូចថា ស្រីស្អាតរបស់កម្ពុជាយើង មានមុខមាត់ ស្រដៀងទៅ
នឹងតារាចម្រៀងរបស់ វៀតណាមម្នាក់ ដែលមានឈ្មោះថា Anna Truong ថែមទៀតផង។

គេហទំព័រអនឡាញ បែបកំសាន្តដ៏ល្បីរបស់វៀតណាម មួយនេះបាននិយាយថា ស្រីស្អាត ហ៊ិន
ចាន់និរ័ត្ន គឺជា Hot Girl វ័យក្មេងម្នាក់ដែលមានរូបសម្រស់ ស្រស់ស្អាតបែបសាសន៍អឺរ៉ុប (កូនកាត់)
ជាពិសេសកែវភ្នែកទាំងគូ ដ៏មានមន្តស្នេហ៍ គួរឲ្យទាក់ទាញបំផុត។

មិនតែប៉ុណ្ណោះ គេហទំព័រវៀតណាមដដែលបានបន្តទៀតថា Hot Girl កម្ពុជាម្នាក់នេះ មិនត្រឹមតែ
មានរូបសម្ផស្សស្រស់ស្អាត សោភា ប៉ុណ្ណោះទេ នាងថែមទាំងជាសិល្បៈការនីមួយរូប ដ៏មានទេព
កោសល្យថែមទៀតផង។

ចុងបញ្ចប់នៃការសរសេររបស់គេហទំព័រដដែលនេះ បានបញ្ជាក់ពីភាពភ្ញាក់ផ្អើលមួយថា ពិធីការនី
ដ៏ស្រស់ស្អាតរបស់យើង មានផ្នែកជាច្រើនដូចទៅនឹងតារាចម្រៀង Anna Truong របស់គេ ដែលជា
ពិសេសគឺ ស្នាមញញឹម និងកែវភ្នែកទាំងគូ របស់ស្រីស្អាតទាំងពីរនាក់នេះតែម្តង ដែលមើលយូរៗ
ទៅ ស្រីស្អាតពីរប្រទេសផ្សេងគ្នានេះ ហាក់ដូចជាបងប្អូនបង្កើតនឹងគ្នា ដូច្នេះដែរ។

កញ្ញា ហ៊ិន ចាន់និរ័ត្ន គឺជាអតីតជ័យលាភីលេខ១ ក្នុងការប្រលង Freshie Girl ជំនាន់ទី៦ ហើយ
នាងចាប់ផ្តើម ត្រូវបានទស្សនិកជនស្គាល់ និងចាប់អារម្មណ៍តាំងពីពេលនោះមក ដែលស្គាល់ខ្លាំង
ចាប់ពីពេលស្រីស្អាតម្នាក់នេះ ក្លាយជាពិធីការនី ក្នុងកម្មវិធី Cha Cha Cha របស់ស្ថានីយទូរទស្សន៍
បាយ័ន ដែលរហូតមកទល់សព្វថ្ងៃនេះ នាងគឺជាពិធីការនី តារាសម្តែង ដ៏លេចធ្លោម្នាក់ នៅក្នុង
ប្រទេសកម្ពុជា៕

ដោយ៖ សិលា
រូបភាព៖ K14