រកឃើញសាកសព ក្រុមតន្រ្តី ១៣នាក់ ក្រោយយន្តហោះធ្លាក់នៅសមុទ្រខ្មៅ ខណៈហោះពីស៊ីរី ទៅរុស្ស៊ី
(មូស្គូ)៖ ប្រអប់ខ្មៅត្រូវបានក្រុមរុករកស្រង់ចេញពីក្នុងទឹកសមុទ្រហើយ ខណៈសាកសពមនុស្សយ៉ាងហោចណាស់ ១៣នាក់ក៏ត្រូវបានគេរកឃើញនៅក្នុងប្រតិបត្តិការស្វែងរក យន្ដហោះយោធារុស្ស៊ីដែលបានធ្លាក់នៅក្នុងសមុទ្រខ្មៅកាលពិថ្ងៃអាទិត្យ ហើយសាកសពមនុស្សជាច្រើនាក់ផ្សេងទៀតត្រូវបានគេជឿជាក់ថា អាចនៅជាប់ក្នុងយន្ដហោះដែលលិចក្នុងទឹកនោះ។ នេះបើតាមការចេញផ្សាយដោយសារព័ត៌មាន RT នៅមុននេះបន្តិច នៅព្រឹកថ្ងៃអង្គារ ទី២៧ ខែធ្នូ ឆ្នាំ២០១៦។
យោងតាមក្រសួងការពាររុស្ស៊ី ក្រុមអ្នកជួយសង្រ្គោះប្រមាណជា ៣,៥០០នាក់ រួមជាមួយនាវា ៣៩គ្រឿង និងក្រុមអ្នកមុជទឹកបាន ចេញប្រតិបត្តិការស្វែងរកប្រអប់ខ្មៅរបស់យន្ដហោះ ក៏ដូចជាសាកសពជនរងគ្រោះទាំងអស់ ហើយជាលទ្ធផលពួកគេបានរកឃើញសាកសពមនុស្ស ១៣នាក់ ប្រអប់ខ្មៅមួយ និងបំណែកចំនួន១៥០ នៃយន្ដហោះយោធារុស្ស៊ីធុន Tu-154 ដែលត្រូវបានបញ្ជូន តាមយន្ដហោះយោធាមួយគ្រឿងទៅកាន់ទីក្រុងមូស្គូ ដើម្បីធ្វើតេស្ដ DNA និងត្រួតពិនិត្យស្រង់យកទិន្នន័យនៃការសន្ទនារបស់ពីឡុត។
គួរបញ្ជាក់ថាយន្ដហោះយោធារុស្ស៊ីធុន Tu-154 ដឹកមនុស្ស ៩២នាក់ បានបាត់ចេញពីប្រព័ន្ធរ៉ាដា នៅម៉ោងប្រមាណជា ០៥ ៖២៥នាទីទៀបភ្លឺថ្ងៃអាទិត្យ (ម៉ោងនៅទីក្រុងមូស្គូ) ក្រោយពេលហោះចេញពី ទីក្រុងស៊ូឈី នៃភាគខាងត្បូងប្រទេសរុស្ស៊ីក្នុងដំណើរផ្លូវឆ្ពោះទៅកាន់ប្រទេសស៊ីរីដើម្បីអបអរសារទរបុណ្យណូអ៊ែល និងរៀបចំការប្រគំតន្ត្រីសម្រាប់កងទ័ពរុស្ស៊ី ដែលកំពុងឈរជើងនៅទីនោះ។ រីឯការសន្និដ្ឋានជំហានដំបូងឲ្យដឹងថា មូលហេតុធ្លាក់គឺអាចបណ្ដាលមកពីបញ្ហាបច្ចេកទេស ឬកំហុសរបស់ពីឡុត ហើយវាមិនមែនជាទង្វើភេរវកម្មនោះទេ៕
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
