CamNews

សមយុទ្ធកងទ័ពជើងទឹករួមរបស់អាមេរិក និងកូរ៉េខាងត្បូងក្នុងសប្ដាហ៍នេះនឹងរួមមានទាំងការ
សន្មត់ជាធ្វើឃាតមេដឹកនាំកូរ៉េខាងជើង ក្នុងករណីក្រុងព្យុងយ៉ាងវាយប្រហារដោយអាវុធនុយក្លេ
អែរ នេះបើតាមទំព័រ Yonhap ដែលបានដកស្រង់សំដីរបស់មន្ដ្រីនៃក្រសួងការពារជាតិកូរ៉េខាង
ត្បូងម្នាក់ដែលសុំមិនបញ្ចេញឈ្មោះ កាលពីម្សិលមិញ។

នាវាផ្ទុកយន្ដហោះ USS Ronald Reagan បាន​មកដល់មូលដ្ឋាន​ទ័ពជើងទឹកកូរ៉េខាងត្បូង

ចាប់ពីថ្ងៃទី ១០តុលា កងទ័ពជើងទឹកអាមេរិក និងកូរ៉េខាងត្បូង បានចាប់ផ្ដើមធ្វើសមយុទ្ធរួមគ្នា
មួយដែលមានរយៈពេល ៦ថ្ងៃ នៅតំបន់សមុទ្រជប៉ុន និងសមុទ្រលឿង (Yellow Sea) ដោយមាន
ការរួមរួមពីនាវាផ្ទុកយន្តហោះអាមេរិក USS Ronald Reagan និងនាវាចម្បាំង និងនាវាមុជទឹករាប់
សិបគ្រឿង។ នេះគឺជាសមយុទ្ធរួមរវាងអាមេរិក និងកូរ៉េខាងត្បូង ទ្រង់ទ្រាយធំបំផុត រាប់ចាប់តាំង
ពីឆ្នាំ ២០១០។

អ្នកនាំពាក្យម្នាក់របស់ក្រសួងការពារជាតិកូរ៉េខាងត្បូង កាលពីម្សិលមិញ បានប្រកាសថា សម
យុទ្ធនឹងរួមមានទាំងការវាយប្រហារដោយកាំជ្រួចដែលបាញ់បានរយៈចម្ងាយ ១.០០០គីឡូម៉ែត្រ។

ក្រៅពីនេះ ខ្លឹមសារនៃសមយុទ្ធមួយផ្សេងទៀត នោះគឺ ការធ្វើឃាតមេដឹកនាំកូរ៉េខាងជើង ដូចជា
លោក Kim Jong-un ជាដើម ក្នុងករណីក្រុងព្យុងយ៉ាង វាយប្រហារដោយអាវុធនុយក្លេអែរ នេះបើ
តាមទំព័រ Yonhap ដកស្រង់សំដីរបស់មន្ដ្រីកូរ៉េខាងត្បូង។

សកម្មភាព​សមយុទ្ធ​រួម​រវាង​អាមេរិក និងកូរ៉េខាងត្បូង កាលពីខែមិនាឆ្នាំ ២០១៦ (រូបថត ៖ Reuters)

មន្ដ្រីខាងលើឱ្យដឹងថា ក្រោយពីក្រុងព្យុងយ៉ាងបានសាកល្បងអាវុធនុយក្លេអែរលើកទី៥ កាលពី
ខែមុន បណ្ដាសមយុទ្ធនឹងផ្តោតសំខាន់ទៅលើការវាយប្រហារទៅលើទីតាំងអាវុធនុយក្លេអែរ និង
កាំជ្រួចរបស់កូរ៉េខាងជើង។ សមយុទ្ធនេះក៏នឹងរួមបញ្ចូលទាំងសកម្មភាពរបស់កងកម្លាំងពិសេស
ផងដែរ។

ប្រែសម្រួល ៖ តារា
ប្រភព ៖ mirror