CamNews

ព័ត៌មានកីឡា៖ ក្ដីស្រមើលស្រម៉ៃរបស់កុមារាតូចជនជាតិ ស៊ីរីយ៉ា វ័យទើបតែ ៧ឆ្នាំ ដែលមានប្រវត្ដិគួរជាទីកំសត់ ធ្លាប់ត្រូវជាជនភាសខ្លួនជាមួយ ឪពុកហើយត្រូវអ្នកការសែតស្រី ធ្វើឲ្យទាក់ជើងដួល ខណៈមានការ​ហាមឃាត់ពីប៉ូលីស ពេលនេះ បានក្លាយជា​ការពិតហើយ ដោយគេបានជួបដោយផ្ទាល់ជាមួយ កំពូលកីឡាករល្បីលំដាប់ពិភពលោក គឺ Cristiano Ronaldo ។ 

ខ្សែប្រយុទ្ធក្លឹប Real Madrid កីឡាករ Crisitiano Ronaldo បានសម្រេចចិត្ដផ្ដល់ឱកាស បង្កើតការជួប ដល់​កុមារាជនជាតិ ស៊ីរីយ៉ា ឈ្មោះថា Zaid Mohsen ព្រមទាំង ឪពុកគេ ឈ្មោះថា Osama Abdul ដែលពួកគេទាំងពីរ ធ្លាប់មានប្រវត្ដិត្រូវបាន អ្នកការសែតស្រីជនជាតិ ហុងហ្គារី មានចេតនាធ្វើឲ្យជំពប់ជើង​ដូល ខណៈ​ដែលពួកគេព្យាយាមរត់គេចពីប៉ូលីស កាលពីដើមខែ កញ្ញា។ 

Crisitiano Ronaldo បានអញ្ជើញ កុមាម្នាក់នោះ ឪពុក នឹង បងប្រុសរបស់គេ មកចូលរួមទស្សនា ការប្រកួត​បាល់ទាត់រវាងក្រុម Real Madrid នឹង ក្រុម Granada កាលពីចុងសប្ដាហ៍។ កុមារាតូច ឈ្មោះ ​Zaid Mohsen បានត្រូវផ្ដល់ឲ្យជាកេត្ដិយស ដោយចូលរួមអបដំណើរជាមួយ កីឡាករ Ronaldo ចូលទៅក្នុងទីលាន​ មុនពេលចាប់ផ្ដើមការប្រកួត។ 

ទិដ្ឋភាពដែលបានបង្ហាញរបស់កុមារាតូចនោះ ចំពោះ ពេលវេលាជាមួយ កីឡាករផ្ទាល់ ពិតជាបង្ហាញពីភាព ចាប់អារម្មណ៍ ស្និតស្នាល នឹងចូលចិត្ដកីឡាករខ្លាំងណាស់ នាពេលនោះ ។ 

លោក  Florentino Perez ថ្នាក់ដឹកនាំកំពូលរបស់ក្លឹ​ប Real Madrid ព្រមទាំង គណៈគ្រប់គ្រងផ្សេងទៀត បានស្វាគមន៍ នឹងទទួលគ្រួសារពុកកូនគេនោះខ្លាំងណាស់ ក្រោយក៏សម្រេចផ្ដល់ការទស្សនាចរ ក្នុងបរិវេណ ទីពហុកីឡរដ្ឋាន Santiago Bernabeu ក្នុងសប្ដាហ៍នេះតែម្ដង។ 

លោក Osama Abdul ដែលជាឪពុកក្មេងតូចនោះ បានថ្លែងពីសេចក្ដីត្រេកអរយ៉ាងជ្រាវជ្រៅផងដែរថា " កី្ដស្រម៉ៃរបស់គ្រួសារខ្ញុំ បានក្លាយជាការពិតហើយ ខ្ញុំគាំទ្រក្លឹប Real Madrid ណាស់ ជាពិសេស​សូមអរគុណចំពោះ លោក Florentino Perez ដែលជា គណៈគ្រប់គ្រងក្លឹប ទាំងមូល ដែលទទួលស្វាគមន៍​រាក់ទាក់ពួកយើងយ៉ាងកក់ក្ដៅយ៉ាងដូច្នេះ។ " 

គូសរបញ្ជាក់ផងដែរថា លោក Osama Abdul ថ្មីនេះត្រូវបាន ទទួលការតែងតាំងជាគ្រូបង្វឹកប្រចាំនៅ ប្រទេសអេស្ប៉ាញ។​

អាន៖ រិះគន់ ផ្អើល ហ្វេសប៊ុក លទ្ធផល អ្នកកាសែតស្រី ត្រូវដេញចេញពីតំណែង ក្រោយ ទាត់ ជនភៀសខ្លួន (មានវីដេអូ)

ដោយ៖ អឿ អ៊ុយ

ប្រភព៖ www.rt.com