CamNews

ស្វែងរកកំរិតខ្ពស់
ព័ត៌មានអន្តរជាតិ 

ផ្ទុះគ្រាប់បែបទៀតហើយ នៅភាគខាងត្បូងប្រទេសថៃ បណ្ដាលស្លាប់ និង​របួសជាង ៣០នាក់

ជនជាតិថៃម្នាក់ត្រូវស្លាប់ និង ៣០នាក់ត្រូវរងរបួស បន្ទាប់ពីគ្រាប់បែកពីរគ្រាប់បានផ្ទុះ នៅក្បែរ
សណ្ឋាគារមួយ ក្នុងទីរួមស្រុក Pattani ភាគខាងត្បូងប្រទេសថៃ កាលពីយប់មិញ។

ការផ្ទុះដំបូងបានកើតឡើងនៅកន្លែងចតរថយន្ត ខាងក្រោយសណ្ឋាគារ Southern មិនបណ្ដាល
ឱ្យមានអ្នកស្លាប់ ឬរបួសនោះទេ នេះបើតាមទំព័រ Reuters ដែលបានដកស្រង់សំដីរបស់នគរបាល
Winyu Tiamraj ។ ប៉ុន្តែ នគរបាលខាងលើថ្លែងថា “ការផ្ទុះគ្រាប់បែកទីពីរ កើតឡើងចេញពីរថយន្ដ
ដឹកទំនិញមួយគ្រឿង ដែលចតនៅលើផ្លូវចូលសណ្ឋាគារ ទល់មុខហាងការ៉ាអូខេមួយ បណ្ដាលឱ្យ
មានមនុស្សម្នាក់ស្លាប់ និង ៣០នាក់ផ្សេងទៀត រងរបួស”។

យោងតាម Bangkok Post គ្រាប់បែកទាំងពីរគ្រាប់នេះ ស្ថិតនៅក្បែរគ្នា នៅក្នុងទីរួមស្រុក Pattani។
គ្រាប់បែកទីពីរ បានផ្ទុះឡើង បន្ទាប់ពីគ្រាប់ទីមួយ ប្រហែល ២០នាទី។ យុទ្ធសាស្ដ្រដែលត្រូវបាន
គេហៅថា “ប៉ះពីរលើក” នេះ កាន់តែមានច្រើនឡើង ហើយអ្នកបំផ្ទុះ គឺជាក្រុមឧទ្ទាមនៅភាគខាង
ត្បូងប្រទេសថៃ។ គោលដៅនៃការបំផ្ទុះគ្រាប់បែក គឺដើម្បីបង្កឱ្យមានមនុស្សស្លាប់ និងរបួសច្រើន
នៅពេលគ្រាប់បែកទីពីរ ផ្ទុះឡើង ក្បែរមនុស្សទាំងឡាយដែលចូលមកអន្តរាគមន៍ក្នុងហេតុការណ៍
ផ្ទុះគ្រាប់បែកទីមួយ។

ហេតុការណ៍ខាងលើនេះ បានកើតឡើងមិនដល់ ២សប្ដាហ៍ បន្ទាប់ពីមានការផ្ទុះគ្រាប់បែកនៅក្នុង
តំបន់ចំនួនបី ក្នុងចំណោមតំបន់លំហែកាយដ៏ល្បីឈ្មោះបំផុតរបស់ប្រទេសថៃ និងទីរួមស្រុកមួយ
នៅភាគខាងត្បូង ដែលបណ្ដាលឱ្យមានអ្នកស្លាប់ ៤នាក់ និងរងរបួសរាប់សិបនាក់៕

ប្រែសម្រួល ៖ តារា


Tags: ថៃ,  ផ្ទុះគ្រាប់បែក,  ភាគខាងត្បូងប្រទេសថៃ

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......