CamNews

ស្វែងរកកំរិតខ្ពស់
តារា 

សាយ សៀរ៉ា បង្ហាញ សកម្មភាពការងារ មនុស្សធម៌ ជាមួយជនទីទ័លក្រ និងកុមារកំព្រា

ភ្នំពេញ៖ តារាសម្តែង និងជាតារាបង្ហាញម៉ូដ ដែលមានឈ្មោះល្បីគួរសម លោក សាយ សៀរ៉ា នៅលើបណ្តាញ ទំនាក់ទំនងសង្គម Facebook មួយរយៈចុងក្រោយនេះ លោកបានបង្ហោះរូបថត ដែលជាសកម្មភាព ការងារ មនុស្សធម៌ជាច្រើន បង្ហាញឲ្យអ្នកគាំទ្រ និងអ្នកស្គាល់រូបលោក បានដឹង និងចូលរួមការងារ មនុស្សធម៌ ជាមួយលោក ឲ្យបានច្រើន ដើម្បីជួយទៅដល់ជនចាស់ជរា និងក្មេងៗដែលមាន ជីវភាពខ្វះខាត ។

រូបថតជាច្រើនសន្លឹក ត្រូវបាន តារាសម្ដែង និងតារាបង្ហាញម៉ូដរាងសង្ហា លោក សាយ សៀរ៉ា បានបង្ហោះនៅលើ បណ្តាញទំនាក់ទំនងសង្គមរបស់ខ្លួន ដោយកាយវិកា ទាំងអស់នោះ គឺសុទ្ធសឹងតែជាកាយវិកា មនុស្សធម៌ ដោយ លោកបានយកអំណោយ ជាសម្ភារៈ និងទឹកប្រាក់មួយចំនួន ទៅចែកជូនចាស់ជរា និងក្មេងៗកំព្រា ដែលជួបប្រទះ ជីវភាពខ្វះខាត ហើយដង្ហើយរកជំនួយ បើទោះជាជំនួយរបស់លោក មានបរិមាណតិចរួចក្ដី តែទំហំទឹកចិត្ត របស់លោក ហាក់ធំធេង ដោយសារតែកាយវិកា មនុស្សធម៌មានច្រើន មានគ្រប់ទីកន្លែងដែលលោក ទៅដល់ហើយ បានជួប សូម្បីតែនៅតាមផ្លូវក៏ដោយ។

នៅក្នុងសកម្មភាព មនុស្សធម៌នោះ គេសង្កេតឃើញថា នៅលើ Facebook ទោះបីជា មានទាំងមតិគាំទ្រ និងរិះគន់ លោកក៏ដោយ តែលោកមិនមានភាពរារែក ក្នុងការបន្តសកម្មភាព មនុស្សធម៌ របស់ខ្លួនឡើយ។ មួយរយៈនេះ ឃើញ ថា មានវត្តមានអ្នកសិល្បៈ ប្រុសស្រីជាច្រើន បានចូលរួមជាមួយ សកម្មភាពមនុស្សធម៌ច្រើន ហើយរំពឹងថា ទឹកចិត្ត ដ៏ល្អ ការចេះជួយយកអាសារ ពិសំណាក់អ្នកសិល្បៈ ចំពោះអ្នកជួបការលំបាក ,ក្មេងកំព្រានោះ និងបន្ថែម សកម្មភាព របស់ខ្លួន កាន់តែខ្លាំងជាងនេះទៀត ៕


ផ្តល់សិទ្ធដោយ ៖ ដើមអម្ពិល


Tags: National news,  local news,  social news,  Cambodia,  Khmer,  Asia,  Phnom Penh

តារា ដែលមើលច្រើន

តារាប្រុសស្រី ប៉ុន្មាននាក់នេះ វ័យ ៣០ ឆ្នាំហើយ នៅតែស្រស់ស្អាត

តារាសម្ដែងប្រុសស្រីថៃ ពិតជាស្រស់សង្ហា ស្រស់ស្អាត និងមានភាពទាក់ទាញខ្លាំងណាស់។ នៅឆ្នាំនេះ តារាមួយចំនួន ក្នុងចំណោមតារាទាំងអស់នោះ .......

មកស្គាល់តារាស្រីថៃ ៨ នាក់នេះ ដែលមានស្បែករលោងស្អាតគួរឱ្យស្រឡាញ់

ស្បែកគឺជារបស់សំខាន់ សម្រាប់មនុស្សគ្រប់រូប ដូច្នេះហើយ បុរសស្រ្ដី តែងយកចិត្ដទុកដាក់ថែរក្សាស្បែក .........

តើអ្នកដឹងរឿងដែលបានកើតឡើងនៅក្នុងបន្ទប់ជួលរបស់អ្នកទេ? រឿង "បន្ទប់ជួលជើងកប" មានចាក់បញ្ចាំងនៅក្នុងរោងកុន

គ្រាន់តែអ្នកលឺថាបន្ទប់ជួល រឿងទី ១ ដែលអ្នកនឹកឃើញគឺតើនៅក្នុងបន្ទប់មួយនេះ ធ្លាប់មានរឿងមិនល្អអ្វីកើតឡើង ដែរឬទេ.......