CamNews

ស្វែងរកកំរិតខ្ពស់
ព័ត៌មានអន្តរជាតិ 

យន្តហោះនគរបាលឥណ្ឌូនេស៊ី ធ្លាក់ចូលសមុទ្រ ១៥នាក់បាត់ខ្លួន

យន្តហោះធុនស្រាលមួយគ្រឿងរបស់នគរបាលឥណ្ឌូនេស៊ី ដែលមានដឹកមនុស្ស១៥នាក់ កាល
ពីម្សិលមិញ បានបាត់ខ្លួន ហើយបើតាមការសន្និដ្ឋាន យន្តហោះនេះអាចធ្លាក់ចូលក្នុងសមុទ្រ
ពេលកំពុងឆ្ពោះទៅកាន់កោះ Batam ភាគខាងត្បូងប្រទេសសិង្ហបុរី។

យន្ដហោះ M-28 Skytruck របស់ឥណ្ឌូនេស៊ី

 

យន្តហោះនេះ បានហោះហើរពីទីរួមស្រុក Pangkal Pinang នៃកោះ Bangka ប្រទេសឥណ្ឌូនេស៊ី
នៅវេលាម៉ោងប្រហែល ៩និង៣០នាទី ត្រូវបានគេជឿថា បានធ្លាក់ចូលក្នុងទន្លេ នៅចន្លោះបណ្ដា
កោះ Mensanak និង Sebangka ឬ Gentar នៅលំហសមុទ្រនៃកោះ Sumatra នេះបើតាមទំព័រ
Reuters។ យន្តហោះនេះគឺប្រភេទ M-28 Skytruck ជាកម្មសិទ្ធិរបស់នគរបាលឥណ្ឌូនេស៊ី។

ក្រុមអ្នកជួយសង្គ្រោះ ស្រង់បានឧបករណ៍ប្រើប្រាស់មួយចំនួនដែលគេជឿថាជារបស់យន្តហោះ
ដែលបាត់ខ្លួននេះ ដូចជាកៅអី ឯកសារ។ល។

យោងតាមទីភ្នាក់ងារស្វែងរក និងសង្គ្រោះឥណ្ឌូនេស៊ី (Basarnas) បណ្ដារបស់របរប្រើប្រាស់
របស់អ្នកដំណើរក៏ត្រូវបានគេរកឃើញ។ Bambang Soelistyo ប្រធាន Basarnas បានឱ្យដឹងថា
“យើងខ្ញុំបានរកឃើញបំណែកនានា”។

Bambang Soelistyo ឱ្យដឹងថា មកដល់ពេលនេះ គេមិនទាន់ដឹងប្រាកដថា មានអ្នកនៅមានជីវិត
ឬយ៉ាងណានោះទេ ហើយគេក៏មិនទាន់រកឃើញសាកសពណាមួយនោះដែរ។

យោងតាមទីភ្នាក់ងារអាកាសចរណ៍ស៊ីវិលសិង្ហបុរី ទីតាំងចុងក្រោយនៅលើរ៉ាដារបស់យន្ត
ហោះខាងលើ ស្ថិតនៅចម្ងាយពីក្រុង Tanjung Pinang ប្រហែល ៨០គីឡូម៉ែត្រទៅភាគខាង
ត្បូង។

ប្រែសម្រួល ៖ តារា
ប្រភព ៖ ibtime


Tags: ធ្លាក់យន្តហោះ,  ឥណ្ឌូនេស៊ី

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......