អាហារ ១០យ៉ាង ដែលអ្នកគួរទទួលទាន ដើម្បីបេះដូងរឹងមាំ និងសុខភាពល្អ
(សុខភាព)៖ ដើម្បីឲ្យបេះដូងមានសុខភាពល្អ គួរទទួលទានអាហារណាដែលមានកាកសរសៃ វិតាមីន និងសារធាតុរ៉ែខ្ពស់ ដូចជាបន្លែ និងផ្លែឈើឲ្យបានច្រើន និងកាត់បន្ថយអាហារប្រភេទខ្លាញ់ ស្ករ និងអំបិលដូចខាងក្រោមនេះ ៖
០១) អង្ករ ៖ គួរជ្រើសរើសទទួលទានបាយដែលដាំពីអង្ករដែលមិនបានឆ្លងកាត់ការខាត់ ពណ៌ឲ្យស ឬអង្ករដែលយើងហៅជាទូទៅថា អង្ករសំរូប ឬអង្ករបុកដោយដៃ ព្រោះវាមានកាកសរសៃអាហារ និងសារធាតុអាហារ វិតាមីន សារធាតុរ៉ែជាច្រើន ។
០២) សាច់ត្រី៖ គួរជាសាច់ត្រីដែលងាយរំលាយ មានសារធាតុអាស៊ីត អ:មីណូដែលចាំបាច់ចំពោះរាងកាយ និងមិនធ្វើឲ្យកើតកករនៅក្នុងសរសៃឈាមបេះដូង អាចជាត្រីសមុទ្ទ ឬត្រីទឹកសាបក៏បាន។
០៣) បន្លែពពួកស្ពៃ បន្លែផ្សេង៖ នឹងផ្តល់នូវកាកសរសៃអាហារខ្ពស់ ព្រោះមានសារធាតុ អ៊ែនទីអុកស៊ីឌែនត៍ដែលល្អចំពោះបេះដូង ដូចជា ស្ពៃក្តោប ផ្កាខាត់ណា និងប្រូខូលីជាដើម ។
០៤) ទឹកផ្លែឈើស្រស់៖ ដូចជា ទឹកក្រូចច្របាច់ស្រស់សម្បូរដោយ អាស៊ីតហ្វូលិក ដែលជួយកាត់បន្ថយកំរិតហូម៉ូស៊ីស្តេស៊ីត ជាអាស៊ីតអ:មីណូ ដែលសម្ព័ន្ធជាមួយការគាំងបេះដូង ។ ទឹកផ្លែទំពាំងបាយជូរស្រស់មានសារធាតុ ហ្វ្លាវ៉ូណយដ៍ និង រេស្វើរ៉ាថ្រូល (Resveratrol) ជួយបង្អាក់កោសិកាគ្រាប់ឈាមក្រហមចាប់គ្នាជាដុំដែលនឹងធ្វើឲ្យ កើតការញ៉ុកណែន ។
០៥) សណ្តែកសំបករឹង៖ ដូចជា អាល់ម៉ន់ វ៉លណាត់ ភិស្តាឈិអូ កាត់បន្ថយភាពប្រថុយប្រថានក្នុងការកើតរោគបេះដូង។
សណ្តែកលឿង និងផលឹតផលពីសណ្តែកលឿង ដូចជា តៅហ៊ូ ទឹកសណ្តែកលឿង ឬទឹកតៅហ៊ូដែលអាចជួយកាត់បន្ថយខូលេស្តេរ៉ូលបាន ។
០៦) មើមខ្ទឹមស៖ ជួយទប់ស្កាត់ការផ្តុំខ្លួនរបស់គ្រាប់ឈាមក្រហមដែលនឹងទៅញ៉ុកណែនសរសៃឈាមក្រហម គួរទទួលទានមួយថ្ងៃ ៥ -១០កំពិស។
០៧) ផ្លែចេក៖ មានប៉ូតាស្យូមខ្ពស់ ជួយកាត់បន្ថយសម្ពាធឈាមបាន ឬ តំឡូងជ្វា តំឡូងបារាំងចំហុយ ទឹកប៉េងប៉ោះយ៉ាអួ ផ្លែឃែនតាលូប ក៏អាចជួយបានដូចគ្នា ។
០៨) ផ្លែឈើស្រស់៖ ដែលផ្តល់គុណប្រយោជន៍ដល់បេះដូង ដោយផ្លែឈើដែលមានពណ៌ផ្សេងដូចជា ៖
– សារធាតុពណ៌ស្វាយក្រហម ឬ អ៊ែនថូសៃយ៉ានីន ឃើញមានច្រើននៅក្នុង ផ្លែទំពាំងបាយជូរ ផ្លែប៉ោមក្រហមផ្លែស្ត្រប៊ើរី ផ្លែជម្ពូ ផ្លែប្ល៊ូប៊ើរី ផ្លែត្រប់វែងពណ៌ស្វាយ ស្ពៃក្តោបពណ៌ស្វាយ – ល – សារធាតុនេះជួយពង្រីកសរសៃឈាម កាត់បន្ថយភាពប្រថុយនៃការកើតរោគបេះដូង ។
– សារធាតុពណ៌ក្រហម ឬ ឡៃខូពីន ឃើញមានច្រើននៅក្នុងផ្លែឥឡឹក ប៉េងប៉ោះ ចំណែកសារធាតុពណ៌ក្រហមនៅក្នុងផ្លែទទឹម មើមប៊ីធ្រូតវិញ មានសារធាតុ បេតាវ៉ៃស៊ីន ដោយសារធាតុពណ៌ក្រហមទាំងអស់នេះជាសារធាតុប្រឆាំងអនុមូលឥស្សរ: និងកាត់បន្ថយអាការប្រថុយនៃជំងឺសរសៃឈាមបេះដូងញ៉ុកណែន ។
– សារធាតុពណ៌លឿងទុំ ឬ បេតាឃែរ៉ូធីន ឃើញមានច្រើននៅក្នុង ផ្លែល្ហុងទុំ ល្ពៅ ឃែនតាលូប ស្វាយទុំ មើមការ៉ុត ជួយកាត់បន្ថយកំរឹតជាតិខ្លាញ់នៅក្នុងឈាម ។
– សារធាតុពណ៌លឿង ឃើញមានច្រើននៅក្នុងផ្លែក្រូចខ្វិច ជួយបំប៉នបេះដូង កាត់បន្ថយអត្រានៃការកើតរោគមហារីក ។
០៩) គួរចៀសវាងសាច់សត្វដែលមានជាតិខ្លាញ់បង្កកខ្លួន៖ ប៊័រ ប្រេងដូង ដែលវាអាចនឹងបង្កើនភាពប្រថុយដល់ការកើតរោគបេះដូង ។ បើមានខូលេស្តេរ៉ូលនៅក្នុងខ្លួនច្រើន គួរចៀសវាងជាតិខ្លាញ់ប្រភេទនេះមុនគេ ។
១០) គួរចៀសវាងអាហារប្រភេទ ត្រាំ ឬជ្រក់៖ ព្រោះអាហារទាំងនេះច្រើនតែមានអំបិលសូដ្យូមខ្ពស់ ដែលមានផលប៉ះពាល់ធ្វើឲ្យសម្ពាធឈាមឡើងខ្ពស់៕
-អាន ៖ ទម្លាប់អាក្រក់១០យ៉ាង ដែលបំផ្លាញ ខួរក្បាលរបស់អ្នក ទាំងមិនដឹងខ្លួន
ដោយ ៖ តារា
ប្រភព ៖ health
- ទម្លាប់អាក្រក់១០យ៉ាង ដែលបំផ្លាញ ខួរក្បាលរបស់អ្នក ទាំងមិនដឹងខ្លួន (15/03/2016 16:21:00)
- Omega 3 មានប្រយោជន៍ ដល់បេះដូង (11/12/2013 11:56:28)
- នៅសល់តែជាង ៣ ពាន់លានឆ្នាំ ទៀតនោះទេ ពិភពលោក នឹងដល់ថ្ងៃអវសាន របស់ខ្លួន (19/09/2013 15:34:33)
- ហេតុអ្វីបានជាទឹកក្ដៅឆាប់កក ជាងទឹកត្រជាក់ (28/06/2012 08:20:00)
សុខភាព ដែលមើលច្រើន
