តើមានអ្វីកើតឡើង នៅពេល លោក Steve Harvey ជួបជាមួយបវរកញ្ញាកូឡុំប៊ី ក្រោយប្រកាសច្រឡំនោះ ?
(អាមេរិក)៖ ថ្មីៗនេះ តារាកំប្លែង និងជាពិធីករ លោក Steve Harvey បានជួបបវរកញ្ញាកូឡុំប៊ី គឺនាង Ariadna Gutierrez ក្រោយពីគាត់បានប្រកាសច្រឡំថា នាងជាប់ជាកញ្ញាឯកលេខ១ ក្នុងការប្រកួតបវរកញ្ញា «Miss Universe 2015» កន្លងមក ។ តែប៉ុន្មាននាទីក្រោយមកអ្វីៗ ក៏ប្រែប្រួល គឺការពិតនាង Pia Wurtzbach ដែលជាបវរកញ្ញាហ្វីលីពីនទៅវិញទេ ដែលជាអ្នកឈ្នះការប្រកួត។
ពេលនេះ លោក Steve Harvey បានសម្រេចជួប ជាមួយនាង Gutierrez នៅក្នុងកិច្ចសម្ភាសន៍មួយ តាមកញ្ចក់ទូរទស្សន៍ ដើម្បីបង្ហាញឲ្យទស្សនិកជនបានឃើញ និងអស់ចិត្តថា ក្រោយពីកើតរឿងហេតុនោះមក មានអ្វីកើតឡើងបន្តទៀត? នៅក្នុងកិច្ចសម្ភាសន៍ នាង Gutierrez បានប្រាប់តារាកំប្លែង Steve Harvey ជារបៀបលេងសើចថា គាត់គួរ តែរៀនពីរបៀបអាន ឲ្យបានច្បាស់សិន ហើយនាងលើកឡើងចំពោះ Steve ថា អ្នកនិយាយច្រឡំពេលនោះ ប្រហែលជាចង់ឲ្យនាងឈ្នះការប្រកួតមែនទេ? Steve ក៏ឆ្លើយថា Yes ! ប៉ុន្តែវាគ្រាន់តែជាកំហុសមួយ ដែលមិនគួរកើតឡើយ ហើយលោកក៏បានសុំអភ័យទោស កញ្ញាឯករូបនេះផងដែរ។
ក្រោយមក Steve Harvey ក៏បានជួបសម្ភាសន៍ ជាមួយបវរកញ្ញាហ្វីលីពីនម្តង គឺនាង Wurtzbach ហើយទាំងបវរកញ្ញារូបនេះ និងកញ្ញាកូឡុំប៊ីម្នាក់ៗសុទ្ធតែប្រាប់ Steve ឲ្យ បំភ្លេចអ្វីដែលខុសឆ្គង ពីមុនចោល ដើម្បីគិតតែរឿងសប្បាយវិញ ព្រោះវាកន្លងផុតទៅហើយ គ្មាននរណាចង់ឲ្យកើតមានកំហុស នៅចំពោះមុខសាធារណជនបែបនេះឡើយ៕
ផ្តល់សិទ្ធដោយ ៖ ហ្វ្រេសញូវអាស៊ី
- រស់នៅសុទ្ធប្រទេសអ្នកមាន តែអគតិ អារកសម្លាប់ ឪពុក និងបងប្រុសរបស់ខ្លួន (18/03/2017 09:00:00)
- អេហ្ស៊ីប៖ «រូបចម្លាក់បុរាណអាយុកាលជិត ៣,០០០ឆ្នាំដែលទើបគាស់បាន ត្រូវបញ្ជូនទៅសារមន្ទីរជាតិទីក្រុងគែរ!» (17/03/2017 11:33:00)
- ចង់លេងជាមួយចិន?? បុរសខ្លាំង ហ្វីលីពីន លោក Duterte បញ្ជាឲ្យយោធា ទៅប្រាប់ចិន ថា... (14/03/2017 14:23:00)
- ផ្គើនអាមេរិកហ្អេស, Duterte ប្រធានាធិបតីហ្វីលីពីន នឹងទៅរុស្ស៊ី ដើម្បីជូប Putin រឿងទិញអាវុធ (10/02/2017 10:49:00)
- ម៉ាឡេស៊ី ចាប់ខ្លួនបុរស ៣នាក់ មានម្នាក់ជាមន្ត្រីសន្តិសុខក្រុមហ៊ុន Malaysia Airlines ដោយសង្ស័យ (01/02/2017 13:56:00)
- ស្របគ្នានឹងឱកាសបុណ្យចូលឆ្នាំចិន, ប្រតិទិនជនជាតិអេហ្ស៊ីបបុរាណ បង្ហាញការពិតអំពី«ផ (25/01/2017 14:52:00)
- ប្រទេសចិន ប្រាប់សហរដ្ឋអាមេរិកឲ្យ «ប្រយ័ត្នមាត់-កមែនទែន» ជុំវិញបញ្ហាសមុទ្រចិនខាងត្បូង! (24/01/2017 16:16:00)
- កន្លែងស្រស់ស្អាតទាំង១០លើពិភពលោក ដែលគ្មានវត្ថមានរថយន្ត (23/01/2017 15:54:00)
- ក្តៅៗ! បាត់លុយជាតិជាង ១១លានដុល្លារ ក្រោយប្រធានាធិបតីហ្គាំប៊ី ព្រមចុះចេញពីតំណែង និងរត់ចោលស្រុក (23/01/2017 11:56:00)
- ត្រូវចាំយូរបន្តិចហើយ! IPad ស៊េរីថ្មីមិនអាចបង្ហាញវត្តមាន ពាក់កណ្តាលឆ្នាំ២០១៧នេះ បានទេ (20/01/2017 12:00:00)
តារា ដែលមើលច្រើន
