ក្តៅៗ! បាត់លុយជាតិជាង ១១លានដុល្លារ ក្រោយប្រធានាធិបតីហ្គាំប៊ី ព្រមចុះចេញពីតំណែង និងរត់ចោលស្រុក
(ហ្គាំប៊ី)៖ ទីប្រឹក្សាម្នាក់របស់ប្រធានាធិបតីហ្គាំប៊ីថ្មី បានឱ្យដឹងថាប្រាក់ច្រើនជាង ១១លានដុល្លារអាមេរិក បានបាត់ចេញពីរតនាគារជាតិហ្គាំប៊ី បន្ទាប់ពីអតីតប្រធានាធិបតី លោក Yahya Jammeh បានសម្រេចចិត្តចាកចេញពីប្រទេស ខណៈបើតាមប្រភពមួយចំនួន ប្រាក់ដ៏ច្រើនសន្ធឹកសន្ធាប់នេះត្រូវបាន លោក Jammeh វេចយកទៅជាមួយ ក៏ប៉ុន្តែខាងអាកាសយានដ្ឋានបានអះអាងថា ខ្លួនពុំបានអនុញ្ញាតឱ្យអតីតប្រធានាធិបតីរូបនេះយកទ្រព្យសម្បតិ្តចាកចេញពីប្រទេសនោះឡើយ។ នេះបើតាមការចេញផ្សាយដោយសារព័ត៌មាន BBC នៅព្រឹកថ្ងៃចន្ទ ទី២៣ ខែមករា ឆ្នាំ២០១៧។
យោងតាម លោក Mai Ahmad Fatty ជាទីប្រឹក្សាម្នាក់របស់ប្រធានាធិបតីហ្គាំប៊ីថ្មី ក្រុមអ្នកជំនាញហិរញ្ញវត្ថុ កំពុងធ្វើការស៊ើបអង្កេត ស្របពេលដែលប្រភពក្រៅផ្លូវការសន្និដ្ឋានថា រថយន្ដទំនើប និងវត្ថុមានតម្លៃជាច្រើនទៀតត្រូវបាន លោក Jammeh វេចឡើងលើយន្ដហោះចាកចេញទៅកាន់ប្រទេស ហ្គីណេ មុននឹងលោកត្រូវធ្វើដំណើរបន្តទៅកាន់ប្រទេស អេក្វាឌ័ររៀល ហ្គីណេ (Equatorial Guinea) ជាទីដែលលោកត្រូវបានគេរំពឹងថា នឹងទទួលបានសិទ្ធិជ្រកកោន។
គួរបញ្ជាក់ថាអតីតប្រធានាធិបតីហ្គាំប៊ី លោក Yahya Jammeh បានសម្រេចចិត្តចាកចេញពីប្រទេស កាលពីថ្ងៃសៅរ៍កន្លងទៅ ដោយយល់ព្រមបោះបង់អំណាចជាង២២ឆ្នាំទៅឱ្យលោក Adama Barrow ដែលបានឈ្នះនៅក្នុងការបោះឆ្នោតកាលពីខែធ្នូ ឆ្នាំ២០១៦ បន្ទាប់ពីមានអន្តរាគមន៍យោធាពីសំណាក់ បណ្ដាប្រទេសជិតខាង។ ក៏ប៉ុន្តែរហូតមកទល់នឹងពេលនេះ លោក Barrow
នៅតែបន្តស្ថិតនៅក្នុងប្រទេសសេណេហ្គាល់ ហើយគេក៏ពុំទាន់ដឹងពីពេលវេលា ជាក់លាក់ដែលលោកត្រឡប់មកវិញនោះដែរ៕
ផ្តល់សិទ្ធដោយ ៖ ខ្មែរថកឃីង
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
