CamNews

ស្វែងរកកំរិតខ្ពស់
ព័ត៌មានអន្តរជាតិ 

ឆ្មាំសមុទ្រកូរ៉េខាងត្បូងប្រើកាំភ្លើងយន្តបាញ់ និងចាប់កប៉ាល់នេសាទចិនខុសច្បាប់

ឆ្មាំសមុទ្រកូរ៉េខាងត្បូង កាលពីម្សិលមិញ បានប្រើប្រាស់កាំភ្លើងយន្តជាលើកដំបូងដើម្បីគ្រប់គ្រង
និងចាប់កប៉ាល់នេសាទចិនដែលមករកត្រីដោយខុសច្បាប់ក្នុងតំបន់សេដ្ឋកិច្ចពិសេសរបស់ប្រទេស
នេះ។

កប៉ាល់នេសាទចិនដែលចូលមកនេសាទដោយខុសច្បាប់ ត្រូវបានឆ្មាំសមុទ្រកូរ៉េខាងត្បូងចាប់បាន
នៅក្នុងលំហសមុទ្រនៃក្រុង Incheon ។ រូប ៖ Reuters

មូលដ្ឋានឆ្មាំសមុទ្រភាគកណ្ដាលរបស់កូរ៉េខាងត្បូងបានឱ្យដឹងថា កងកម្លាំងនេះបានប្រើប្រាស់
កាំភ្លើងយន្ត M60 បាញ់ទៅលើនៅវេលាម៉ោង១៧ម្សិលមិញដើម្បីចាប់កប៉ាល់នេសាទចិនដែលធ្វើ
សកម្មភាពខុសច្បាប់នៅក្នុងលំហសមុទ្រនៃក្រុង Incheon។

Yonhap ដកស្រង់សំដីរបស់មន្ដ្រីម្នាក់ ឱ្យដឹងថា ក្នុងហេតុការណ៍នេះ មិនមានអ្នកនេសាទណា
ម្នាក់រងរបួស ហើយក៏មិនមានការខូចខាតទ្រព្យសម្បត្តិអ្វីនោះដែរ។ យោងតាមឆ្មាំសមុទ្រកូរ៉េខាង
ត្បូង ពួកគេត្រូវផ្ទុះអាវុធដោយសារតែបណ្ដាកប៉ាល់នេសាទចិន រកវិធីគេចខ្លួន។

គួររំលឹកថា កាលពីថ្ងៃទី ៧តុលា នាវាល្បាតសមុទ្រមួយគ្រឿងរបស់កូរ៉េខាងត្បូង ត្រូវបានកប៉ាល់
នេសាទចិនមួយគ្រឿង បុកពន្លិច ពេលកំពុងចូលរួមចាប់កប៉ាល់នេសាទខុសច្បាប់របស់ចិន នៅ
ក្នុងលំហសមុទ្រភាគខាងលិចរបស់កូរ៉េខាងត្បូង។ ក្រុង Seoul ក្រោយមក បានព្រមានប្រើប្រាស់
អាវុធដើម្បីចាប់កប៉ាល់នេសាទចិនដែលចូលមកនេសាទដោយខុសច្បាប់។

ប្រែសម្រួល ៖ តារា
ប្រភព ៖ koreatimes


Tags: ឆ្មាំសមុទ្រកូរ៉េខាងត្បូង,  កប៉ាល់​នេសាទ,  ចិន

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......