ព័ត៌មានកីឡា៖ ក្លឹប Real Madrid នឹងរៀបចំធ្វើពិធី សម្ដែងការអបអរជាអធិបតីភាព ចំពោះជោគជ័យ របស់កីឡាករ Cristiano Ronaldo ដែលបាន បំបែកកំណត់ត្រា ៥០០ គ្រាប់ នឹង សមត្ថភាពកំពូលរបស់កីឡាករ ដែលអាចរកគ្រាប់បាល់បានស្មើនឹង អតីខ្សែប្រយុទ្ធកំពូលរបស់ក្លឹប ដែលអាចរកគ្រាប់បាល់បានច្រើនជាងគេ ដល់ទៅ ៣២៣ គ្រាប់គឺកីឡាករ Raúl González ។ Ronaldo បានឈានជើងចូលទឹកដី Real Madrid កាលពីឆ្នាំ២០០៩ ចាប់តាំងពីពេលនោះ មកទល់នឹងពេលនេះ កីឡាករអាចរគ្រាប់បាល់បានដល់ទៅ ៣២៣ គ្រាប់ ស្មើនឹងអតីកីឡាករខ្សែប្រយុទ្ធម្នាក់ ឈ្មោះថា Raúl González ដែលបច្ចុប្បន្ន លេងឲ្យក្លឹប New York Cosmos ។
យោងតាមការចុះផ្សាយបានបន្ដទៀតថា Real Madrid មិនដែលធ្វើពិធីបែប អធិកអធមយ៉ាងនេះទេកន្លងមកចំពោះការបង្ហាញស្នាដៃ ដោយឡែកនេះជាឱកាសលើកទី ១ហើយ ដែលលោក Florentino Pérez ព្រមទាំងគណៈគ្រប់គ្រងដទៃទៀត មានការឈឺឆ្អាល បង្កឲ្យមានការរៀបចំពិធីនេះឡើង ។ វត្ដមានដែលនឹងត្រូវរំពឹងទុកថាបានឃើញ ច្បាស់មុនគេគឺលោក Jorge Mendes ដែលជា ភ្នាក់ងារទីផ្សារកីឡាករ ផ្ទាល់ នឹងក្រុមគ្រួសាររបស់លោក ចូលរួមក្នុងពិធីនោះ ហើយកម្មវិធីនឹងត្រូវប្រារពឡើងនៅទីធ្លាបរិវេណ ទីលានកីឡរដ្ឋាន ក្នុងទឹកដី Los Blancos ។
តាមប្រភពដដែលបានចុះផ្សាយទៀតថា ក្នុងឱកាសនោះ Ronaldo នឹងទទួលបានរង្វាន់ការដូពិសេស ពីក្លឹប ប៉ុន្ដែនៅពេលនេះ គឺមិនទាន់មានការបង្ហាញនៅឡើយទេ ថាជាអ្វីនោះ គ្រប់យ៉ាងរង់ចាំថ្ងៃនោះមកដល់។
ដោយ៖ អឿ អ៊ុយ
ប្រភព៖ livesoccertv.