News Update: អគ្គិភ័យដែលឆេះបំផ្លាញផ្សារច្បារអំពៅ មិនទាន់រលត់ទាំងស្រុងទេ តែសមត្ថកិច្ចអាចគ្រប់គ្រង
(ភ្នំពេញ)៖ សេចក្តីរាយការណ៍ពីភ្នាក់ងារ Fresh News បាននិងកំពុងយកព័ត៌មានផ្ទាល់ នៅកន្លែងកើតគ្រោះអគ្គិភ័យ នាផ្សារច្បារអំពៅ ខណ្ឌច្បារអំពៅ បានបញ្ជាក់ឲ្យដឹងថា គិតត្រឹមម៉ោង៧ព្រឹកថ្ងៃទី១៦ ខែមីនា ឆ្នាំ២០១៨នេះ អគ្គិភ័យដែលឆេះបំផ្លាញផ្សារច្បារអំពៅ មិនទាន់រលត់ទាំងស្រុងនោះទេ ប៉ុន្តែអគ្គិភ័យនេះត្រូវបានសមត្ថកិច្ចពន្លត់អគ្គិភ័យ អាចគ្រប់គ្រងបាន ដោយមិនអនុញ្ញាតឲ្យរីករាលដាលបន្តទៀតឡើយ។
បើតាមសេចក្តីរាយការណ៍ ដើម្បីទប់សភាពការណ៍ មិនឲ្យគ្រោះអគ្គិភ័យបំផ្លាញតូបរបស់អាជីវករទាំងនោះ អាជ្ញាធរ និងសមត្ថកិច្ចបានសម្រេចប្រើប្រាស់អេស្កាវទ័រ កាយខណ្ឌផ្តាច់រវាងតូបដែលឆេះ និងតូបមិនទាន់ឆេះ។
សូមជម្រាបថា ផ្សារច្បារអំពៅ ត្រូវបានអគ្គិភ័យឆាបឆេះយ៉ាងសន្ធោសន្ធៅ តាំងតែពីកណ្តាលរាត្រីរំលងអាធ្រាត្រចូលថ្ងៃទី១៦ ខែមីនា ឆ្នាំ២០១៨ ដោយបំផ្លិចបំផ្លាញតូប និងទ្រព្យសម្បត្តិរបស់អាជីវករអស់យ៉ាងច្រើនសន្ធឹកសន្ធាប់។
នៅក្នុងហេតុការណ៍នោះ មានលឺសូរសម្លេងផ្ទុះហ្គាស និងមានមនុស្សជាប់នៅក្នុងរបងផងដែរ ប៉ុន្តែត្រូវបានបាញ់ទឹកជួយសង្រ្គោះឲ្យចាកចេញពីខាងក្នុងទាន់ពេល។ មូលហេតុនៃការឆេះ និងទំហំនៃការខូចខាតនៅមិនទាន់ដឹងឡើយនោះទេ។
រថយន្តពន្លត់អគ្គិភ័យរាប់សិបគ្រឿង ត្រូវបានបញ្ជូនទៅកាន់កន្លែងកើតហេតុដើម្បីអន្តរាគមន៍ ដោយវត្តមានរបស់អភិបាលរាជធានីភ្នំពេញ និងនាយឧត្តមសេនីយ៍ស្នងការនគរបាលរាជធានីភ្នំពេញផងដែរ៕
ប្រភព ៖ ហ្រ្វេសញ៉ូវអាសុី
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
- ឧទ្ធរណ៍តម្កល់សាលក្រម នារីម៉ាស្សាសម្លាប់ថៅកែ យកលុយទុកជួយប្ដីជាប់ពន្ធនាគារ (25/05/2019 10:29:00)
- អ្នកដំណើរក្នុងតាក់ស៊ីស្លាប់ទាំអស់ ក្នុងនោះមានជនជាតិចិន ពីរនាក់ (24/05/2019 11:45:00)
- អន្តរក្រសួងនឹងចាត់វិធានការជាបន្ទាន់ដើម្បីដោះស្រាយបញ្ហាទឹកកខ្វក់នៅក្រុងព្រះសីហនុ (24/05/2019 11:04:00)
- ក្រុមហ៊ុនជប៉ុន នឹងវិនិយោគលើដំណាំ sorghum នៅគាស់ក្រឡ (24/05/2019 09:12:00)
- តាមរយៈគោឧសភរាជ ការធ្វើកសិកម្មនៅឆ្នាំនេះទទួលបានផលល្អប្រសើរ (23/05/2019 12:04:00)