ព័ត៌មានកីឡា៖ បើនិយាយពីសម្លេងនៃការគាំទ្រ និង លើកទឹកចិត្ដ Messi ក៏អាចនិយាយបានថា មិនអន់នោះដែរ ជាពិសេសថ្ងៃនៃការចាប់ផ្ដើម ឈានជើងចូលទឹកដីប្រកួតក្នុងវគ្គផ្ដាច់ព្រ័ត្រ នារដូវកាល Copa America តែម្ដងដែលក្រុមជម្រើជាតិ អាហ្សង់ទីន ត្រូវហាលអាវ នៅវគ្គប្រកួតផ្ដាច់ព្រ័ត្រនោះ ប៉ះជាមួយ ជម្រើសជាតិ Chile ក្នុងលទ្ធផលពិន្ទុ ៤-១។ ថ្វីត្បិតតែក្រុមត្រូវបរាជ័យ ក្នុងឱកាសមួយដែល គួរឲ្យសោកស្ដាយបែបនេះ ប៉ុន្ដែមិនទាន់មាន អ្នកគាំទ្ររបស់កីឡាករ មានប្រតិកម្មរិះគន់ឡើយ តែផ្ទុយមកវិញក្នុងចំណោម អ្នកគាំទ្រទាំងអស់នោះ បែជាមានមនុស្សម្នាក់ដែលសំខាន់ ហើយហ៊ានអះអាងថា កីឡាករ គឺមានការខ្ចិល ក្នុងកំលុងពេលប្រកួត វគ្គផ្ដាច់ព្រ័ត្រនោះ ។
ជីតាសាច់បង្កើត របស់កីឡាករ Messi ឈ្មោះថា Antonio Cuccitini បានទៅប្រាប់អ្នកកាសែតថា ចៅប្រុសរបស់គាត់ គឺក្នុងកំលុងពេលនៃការប្រកួត វគ្គផ្ដាច់ព្រ័ត្រ គឺមកពីគេខ្ចិល ដែលការប្រកួតវគ្គកន្លងមកគេខិតខំខ្លាំងណាស់ដើម្បីទទួលជ័យជំនះ ប៉ុន្ដែវគ្គប្រកួតចុងក្រោយ គឺមកពីគេខ្ចិល ។ ព្រឹត្ដិការណ៍ និងសកម្មភាពកន្លងមករបស់គេ គឺបង្ហាញឲ្យឃើញថា គេពិតជាលេងបានល្អ ប៉ុន្ដែ ៣ ការប្រកួតចុងក្រោយដែលគេធ្វើ គឺមើលទៅមិនល្អទាល់តែសោះ នេះគឺជាកត់សម្គាល់។
Messi ដែលល្បីថាដឹកនាំក្រុម ជួយឲ្យក្រុម Barcelona អាចស្វែងរកជោគជ័យបានរហូតដល់ទៅ ២ ពានរង្វាន់ធំៗ ក្នុងមួយរដូវកាល បានស្វែងរកគ្រាប់បាល់បានតែ ១ គ្រាប់ប៉ុណ្ណោះ គឺគ្រាប់បាល់ ប៉េណង់ទី ក្នុងវគ្គប្រកួតផ្ដាច់ព្រ័ត្រ ។
ដោយ៖ អឿ អ៊ុយ
ប្រភព៖ watoday