ព័ត៌មានកីឡា៖ កីឡាករឆ្នើម របស់ Real Madrid ហើយក៏ទើបតែទទួលបានពានរង្វាន់បាល់មាស ថ្មីៗផងដែរនោះ ក៏ត្រូវបានព័ត៌មានអន្ដរជាតិចុះផ្សាយ កីឡាករត្រូវក្រុមគណៈកម្មាធិការសម្រេចដកបេក្ខភាពចូលរួមប្រកួតប្រហែលដល់ទៅ ១២ ប្រកួតជាមួយក្រុម ក្រោយពីកីឡាករបានបង្កើតកំហុសធ្ងន់ធ្ងរកាលពីប្រកួតជាមួយ ក្រុម Cordoba កាលពីថ្ងៃសៅរ៍ សប្ដាហ៍មុន ក្នុងការប្រកួត La Liga ។
កីឡាករ Cristiano Ronaldo ត្រូវក្រុមគណៈកម្មាធិការ ព្រមទាំងអាជ្ញាកណ្ដាល សម្រេចដកបេក្ខភាពចូលលេងជាមួយក្រុម ប្រហែលដល់ទៅ ១២ ប្រកួត ក្រោយពីកីឡាករ បានសាងកំហុសលើកីឡាករខ្សែការពាររបស់ Cordoba ឈ្មោះថា Edimar ដោយជ្រុលដាល់មួយដៃយ៉ាងដំណំលើមុខកីឡាករ ខណៈដែលគាត់ត្រូវបរាជ័យ ដោយការរារាំងពីខ្សែការពារម្នាក់នេះ។ ក្រោយពីមើលឃើញកំហុសដូច្នោះ អាជ្ញាកណ្ដាល គ្រាន់តែសម្រេចពិន័យកាតក្រហម ដកបេក្ខភាពបណ្ដោះអារសន្នតែប៉ុណ្ណោះ មិនទាន់ហ៊ានសម្រេចជាផ្លូវការទេ ដោយរង់ចាំមើល ការប្រជុំគ្នាបន្ដទៀត។ រហូតមកទល់ពេលនេះ ទោសកំហុសរបស់កីឡាករ មិនទាន់ប្រាកដថាត្រូវដកបេក្ខភាពចំនួន ១២ ប្រកួតចុងក្រោយនេាះទេ ដោយឡែក នៅរង់ចាំការជួបប្រជុំ ១ លើកទៀតនៅថ្ងៃពុធ សប្ដាហ៍នេះ ប្រសិន ទោសកំហុសមិនត្រូវបានរកឃើញនោះទេ នោះ Ronaldo និងត្រូវបន្ថយការពិន័យនេះដែរ ។
យោងតាមការចុះផ្សាយបន្ដថា អាជ្ញាកណ្ដាលក្នុងការប្រកួតនោះ គាត់ក៏មិនបានគិតដែរថាទោសកំហុសដែលកើតឡើងដូច្នោះ ត្រូវពិន័យធ្ងន់ធ្ងយ៉ាងនេះ សោះ ។ ហើយផ្អែកលើ ការចុះផ្សាយលើកមុន ទោសកំហុសដែល មើលឃើញ គឺ មិនមែន បង្កឡើងដោយការដាល់នោះ ទេ គឺ ដោយសាការទាត់របស់កីឡាករលើ ខ្សែការពារម្នាក់នេាះ។
ដោយ៖ អឿ អ៊ុយ
ប្រភព៖ Mirror