ការអះអាងរបស់ លោក Rio Ferdinand អំពីមូលហេតុដែល Ronaldo មិនព្រមត្រលប់ទៅកាន់ Man United វិញ
ព័ត៌មានកីឡា៖ លោក Rio Ferdinand ដែលជាអតីតកីឡាករខ្សែការពារ នៅក្លឹប Man United បានថ្លែងបញ្ជាក់ពីការសម្រេចចិត្ដ និងមូលហេតុដែល Cristiano Ronaldo មិនអាចនឹងផ្ទេរចូលមកកាន់ Man United វិញ បើទោះជាមានលុយច្រើនយ៉ាងណាក៏ដោយ។
ការពិតណាស់ហើយថា ក្លឹប Man United បានតែងតែធ្វើការទំនាក់ទំនង ផ្ទេរយកកីឡាករ Ronaldo ឲ្យត្រលប់មកវិញ ជាច្រើនដងមកហើយ ប៉ុន្ដែនៅតែមិនបានសម្រេច រហូតមកទល់ពេលនេះ។ ទន្ទឹមនឹងការបរាជ័យ ជាច្រើនដងនេះផងដែរ ក្នុងទស្សនៈអ្នកគាំទ្រវិស័យកីឡាករបាល់ទាត់ ជាពិសេសសម្រាប់អ្នកគាំទ្រកីឡាករ ផ្ទាល់តែម្ដង ក៏នៅមិនទាន់ដឹងពីមូលហេតុនៅឡើយទេ ថាមកពីហេតុអ្វីនោះ ។
លោក Rio Ferdinand ដែលធ្លាប់ជាកីឡាករ មួយរូបនៅក្នុងក្លឹប Man United នឹងធ្លាប់បានមានពេលវេលាច្រើន នៅក្បែរកីឡាករ Ronaldo បានថ្លែងថា " រឿងដែលធំបំផុតសម្រាប់បញ្ហានេះ គឺថា គាត់កំពុងតែប្រកួតប្រជែងដណ្ដើមយកពានរង្វាន់ Champions League ឲ្យបានជារៀងរាល់ឆ្នាំ ព្រោះថាជោគជ័យនេះ គឺជាគោលបំណងយ៉ាងសំខាន់ សម្រាប់រូបគាត់ .....ប្រសិនជាគោលបំណងរបស់គាត់យ៉ាងដូច្នេះ តើអ្នកគិតថា គាត់នឹងវិលត្រលប់មកកាន់ Man United វិញដែរទេ ? ពិតជាមិនអាចទេ " ។
Cristiano Ronaldo បានផ្ទេរចូល Real Madrid កាលពីឆ្នាំ ២០០៩ ក្នុងតម្លៃខ្លួនបំបែកកំណត់ត្រាខ្ពស់ជាងគេ ក្នុងទឹកដីអង់គ្លេសគឺ ៨០ លានផោន ។ រហូតមកទល់ពេលនេះកីឡាករ បានលេងឲ្យ ក្លឹប Real Madrid ដល់ទៅ ៣១១ ប្រកួត ហើយរកគ្រាប់បាល់បាល់បាន ៣២៥ គ្រាប់ ជាប់ឈ្មោះជា កំពូលកីឡាករឆ្នើមរកគ្រាប់បាល់បាលច្រើនជាងគេ ប្រចាំក្លឹប ។
ដោយ៖ អឿ អ៊ុយ
ប្រភព៖ thesportreview
- ការប្រកួតកីឡា e-sports ដ៏ធំ នឹងមកដល់ក្នុងពេលឆាប់ៗនេះ… (29/07/2017 10:42:00)
- ទស្សនាវិដេអូហួសចិត្ត! បាល់មុខទីប៉ុណ្ណឹងហើយ មិនគួរណាស៊ុតមិនចូល (09/03/2017 14:06:00)
- ចាន់ វឌ្ឍនាកា បានសម្រេចក្ដីសុបិនរបស់ខ្លួនមួយ មុនធ្វើដំណើរទៅជប៉ុន (02/02/2017 08:57:00)
- នៅតែ១ប្រកួតទៀតប៉ុណ្ណោះ ក្រុមកីឡាករកម្ពុជា នឹងទទួលបានប្រាក់ឧបត្ថម្ភពី (19/10/2016 10:01:00)
- កម្ពុជានាំមេដាយប្រវត្តិសាស្រ្ដពី Asian Beach Games ត្រឡប់មកស្រុកកំណើតវិញ (05/10/2016 11:09:00)
- បាល់ទាត់៖ វិដេអូអប់រំ បង្ហាញពីអ្នកគាំទ្រពិតប្រាកដ ប្រកបដោយភាពថ្លៃថ្នូរ (Video Inside) (05/10/2016 10:04:00)
- League-II លើកដំបូង នឹងលេចចេញជារូបរាងផ្លូវការចុងខែកញ្ញានេះ (15/09/2016 14:59:00)
- បញ្ជីឈ្មោះក្រុមជម្រើសជាតិ ហាត់នៅសិង្ហបុរីចេញជាផ្លូវការ ដើម្បីត្រៀមធ្វើម្ចាស់ផ្ទះ AFF Suzuki Cup 2016 (12/09/2016 10:25:00)
- ជំនួបមិត្តភាព U-16 កម្ពុជា ប៉ះ U-15 ចិន ត្រូវបានលើកពេល តែអ្នកទិញសំបុត្រហើយអាច...? (05/09/2016 11:45:00)
- កីឡាករហែលទឹក ពូ សុវិជ្ជា ត្រៀមប្រកួត Olympic Games មុនគេម៉ោង ១១យប់នេះ (09/08/2016 11:26:00)
កីឡាអន្តរជាតិ ដែលមើលច្រើន
