CamNews

ព័ត៌មានកីឡា៖ Lionel Messi និង Cristiano Ronaldo គឺត្រូវបានគេទទួលស្គាល់ថាជាកីឡាករ ខ្លាំងអស្ចារ្យណាស់ហើយ​ក្នុងជំនាន់នេះក្នុងវិស័យកីឡាបាល់ទាត់ ដោយឡែកពានរង្វាន់ជើង​ឯកពិភពលោក Ballon d'Or ​ជិតមួយទសវត្ស៍កន្លងមកនេះ គឺមានតែអ្នកទាំងពីរទេ ដែលមានឱកាសគ្រងតំណែង ក្រៅពីនោះ គឺមិនទាន់​នោះទេ ។ ប៉ុន្ដែស្របពេលដំណឹងចុងក្រោយ ដែលទទួលបានពី​កីឡាករ Messi ប្រាប់ទៅអ្នកការសែត Mirror បានបង្ហាញថា កីឡាករ​ផ្ទាល់គឺមិនមែនជាដៃគូរប្រកួតប្រកួតជាមួយ Ronaldo នោះទេ។ 

ពាក្យសម្ដីរបស់  Lionel Messi ត្រូវបានគេដកស្រង់បានបង្ហាញថា " ខ្ញុំដឹងថា មានមនុស្សជាច្រើនដែល បានប្រៀបធៀបខ្ញុំទៅនឹង Ronaldo ហើយពួកគេថែមទាំងនិយាយទៀតថា ខ្ញុំមិនប្រកួតប្រជែងនឹងគេនោះទេ ហើយក៏មិនគិតដែរថា គេក៏មិនប្រកួតប្រកួតជាមួយខ្ញុំដែរ ......ខ្ញុំគ្រាន់តែចង់បានថា ក្រុមរបស់ខ្ញុំទទួលបាន​ជោគជ័យក្នុងការប្រកួត តាមអ្វីដែលខ្ញុំខិតខំប្រឹងប្រែង នេះគឺអ្វីដែលខ្ញុំចង់បានបំផុត " ។

Lionel Messi ក៏បានបង្ហាញពីការយកចិត្ដទុកដាក់ចំពោះឱកាសពេលវេលា ដែលកីឡាករ មិនបានចូលរួមប្រកួត អស់រយៈពេលប៉ុន្មានសប្ដាហ៍ជាមួយនឹងការព្យាបាលជង្គង់ ដោយកីឡាករ បានថ្លែងប្រាប់អ្នកសារព័ត៌មានថា គ្រប់យ៉ាងគាត់មិនមែនជាអ្នកកំណត់នោះទេ ហើយគាត់ក៏មិនបានកំណត់អ្វីសម្រាប់គោល​ដៅរបស់គាត់ផងដែរ ដោយពេលខ្លះគាត់ក៏ចង់ទៅប្រកួត​វិញនៅថ្ងៃស្អែក ក៏ប៉ុន្ដែ គ្រូពេទ្យមិនអនុញ្ញាត ដោយ​ថែមទាំងឆ្លើយតបមកកាន់គាត់វិញដែរថា ប្រសិនជាជម្ងឺជាសះស្បើយនោះ គេនឹងអនុញ្ញាតជាមិនខានឡើយ ។ 

ប៉ុន្ដែបើយោងតាមការ ស្ទង់មតិអ្នកគាំទ្រ ជាមួយគេហទំព័រ Mirror អំពីកីឡាករទាំងពីរ គឺថា Messi មានសម្លេងគាំទ្រច្រើនេះជាង Ronaldo ខណៈដែល Messi ទទួលបានសម្លេងគាំទ្រ ៤៣ % និង Ronalod គឺ បានត្រឹមតែ ៣៧ % តែប៉ុណ្ណោះ។

ដោយ៖ អឿ អ៊ុយ