CamNews

ស្វែងរកកំរិតខ្ពស់
ព័ត៌មានអន្តរជាតិ 

គីម ជុងអ៊ុន ទំនងជា «ប្រើឈើច្រត់ដើម្បីដើរ» ទៀតហើយ ដែលអាចជាបញ្ហាផ្នែក-កជើងរើឡើងវិញ ដោយសារតែទម្ងន់ធ្ងន់

(សេអ៊ូល)៖ មេដឹកនាំកូរ៉េខាងជើងត្រូវបានគេមើលឃើញថា បានដើរហើរទៅណាមកណា ដោយប្រើប្រាស់​ឈើច្រត់ជំនួយជាថ្មី​ម្តងទៀតហើយ ដោយកាលពី​ឆ្នាំមុន​លោកធ្លាប់​បានទទួល​ការព្យាបាល​ផ្នែកកជើង និង​បាន​ប្រើ​ប្រាស់​ឈើច្រត់​ជំនួយ​ដូចពេល​នេះដែរ។ នេះបើតាមការ​ចេញផ្សាយដោយ​ទីភ្នាក់ងារព័ត៌មាន​កូរ៉េខាងត្បូង យ៉ុនហាប់ នាព្រឹកថ្ងៃពុធ ទី១៨ ខែមករា ឆ្នាំ២០១៧។

គួរបញ្ជាក់ថាលោក គីម ជុងអ៊ុន មានវ័យ ៣៣ឆ្នាំហើយ ដោយលោកបានឡើងកាន់តំណែងជាមេដឹកនាំ​កំពូលផុតលេខរបស់ប្រទេសកូរ៉េខាងជើង កាលពីឆ្នាំ២០១២ ក្រោយការទទួលមរណភាពរបស់ឪពុកគឺ​លោក គីម ជុងអ៊ីល កាលពីខែធ្នូ ឆ្នាំ២០១១។ ការប្រើប្រាស់ឈើច្រត់ គឺត្រូវបានគេប្រទះតាំងពីចុងខែធ្នូ ឆ្នាំ២០១៦ មកម្ល៉េះ នៅពេលលោក គីម បានដឹកនាំការងារនានា ដែលមានការចេញផ្សាយ​សកម្មភាព​របស់លោក តាមរយៈកញ្ចក់ទូរទស្សន៍រដ្ឋ។

កាលពីលោក គីម ជំនាន់ទីបីឡើងកាន់តំណែងជាលើកដំបូងនោះ ទម្ងន់របស់លោកមិនដល់​ ១០០គីឡូក្រាម​នោះឡើយ ប៉ុន្តែមកដល់ឆ្នាំ២០១៦ កន្លងទៅនេះ​ទម្ងន់របស់លោកបានកើនឡើងដល់ជាង ១៣០គីឡូក្រាម ខណៈកម្ពស់របស់លោកតែ ១៧០សង់ទីម៉ែត្រតែប៉ុណ្ណោះ។ ប្រការនេះធ្វើឲ្យយើងដឹងថា កម្ពស់និងទម្ងន់​របស់លោក គឺមិនល្អសម្រាប់សុខភាពនោះឡើយ ហើយលោក គីម ក៏ចូលចិត្តទទួលទានបារីថែមទៀត៕


ប្រភព ៖ យ៉ុនហាប់ 


Tags: North korea,  South korea,  Kim Jong Un

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......