CamNews

ស្វែងរកកំរិតខ្ពស់
កីឡាជាតិ 

ខ្សែ​ការ​ពារ​ក្រុម Buriram បាក់​ឆ្អឹង​ដៃ អំឡុង​ចាញ់ Cam-All Star ថ្ងៃ​មុន

(ភ្នំពេញ)៖ កីឡាករ Narubadin Weerawatnodom ដែលខ្សែការពារស្លាបស្ដាំដ៏រឹងមាំរបស់ក្លឹបជើងឯកលីកកំពូលថៃ Buriram United បានរងរបួសបាក់ឆ្អឹងកដៃ និងត្រូវធ្វើការវះកាត់ព្យាបាលថ្ងៃនេះ បន្ទាប់ពីរូបគេបានប៉ះទង្គិចក្នុងការ ប្រកួតជាមួយក្រុម Cambodia All Star របស់កម្ពុជា កាលពីចុងសប្ដាហ៍មុន ។

យោងតាមប្រព័ន្ធទំនាក់ទំនងសង្គមរបស់ក្លឹប Buriram United បានឲ្យដឹងថា Narubadin Weerawatnodom ត្រូវបានបញ្ជូនតាមយន្ដហោះ ឆ្ពោះទៅថៃ ដើម្បីព្យាបាលភ្លាមៗ បន្ទាប់ពីគេរបួសបាក់ឆ្អឹងកដៃ អំឡុងពេលជួយក្រុមប្រកួតជាមួយក្រុមបាល់ទាត់តំណាងប្រទេសកម្ពុជាខាងលើ ប៉ុន្ដែដោយរបួសធ្ងន់ធ្ងរ គ្រូពេទ្យបានសម្រេចចិត្តធ្វើការវះកាត់គេថ្ងៃនេះ ។

ប្រភពព័ត៌មានខាងលើបានបន្ដថា បើពិនិត្យមើលរបួសជាក់ស្ដែង ខ្សែការពារវ័យ២១ឆ្នាំរូបនេះ នឹងត្រូវអវត្តមានពីក្លឹប មិនក្រោម២ខែឡើយ ដើម្បីសម្រាក ព្យាបាលឲ្យជាសះស្បើយ មុននឹងបន្ដចូលរួមជាមួយមិត្តរួមក្រុមដូចធម្មតាវិញ ។

គួរបញ្ជាក់ថា សម្រាប់ជំនួបមិត្តភាពខាងលើនេះ គឺក្រុម Cambodia All Star បានយកឈ្នះក្រុម Buriram United ដោយលទ្ធផល ៦-៥ ជាមួយ នឹងការទាត់ បាល់ប៉េណាល់ទីកាត់សេចក្ដី  បន្ទាប់ពីក្រុមទាំងពីរបញ្ចប់ការប្រកួតពេញម៉ោងធម្មតាស្មើគ្នា ២-២ ។ ប៉ុន្ដែនេះគ្រាន់តែជាការប្រកួតមិត្តភាព លក្ខណៈសប្បុរសធម៌ រកប្រាក់ជួយមន្ទីរពេទ្យគន្ធបុប្ឋា និងអបអរសាទរខួបលើកទី៦៥ នៃទំនាក់ទំនងការទូតកម្ពុជា-ថៃប៉ុណ្ណោះ ៕

ផ្តល់សិទ្ធដោយ ៖ ហ្វ្រេសញូវអាស៊ី


Tags: Chelsea,  Football,  Sport news,  Camnews,  Neymar,  Barcelona,  Premier League,  Buriram and Cam-All Star

កីឡាជាតិ ដែលមើលច្រើន

ការប្រកួតប៉ារ៉ាឡាំពិក ២០១២ ត្រូវបានបញ្ចប់ ជាមួយនឹងអំណរដ៏ធំធែង

អង់គ្លេស៖ តាមកាអោយដឹងពីសារពត៌មាន BBC កាលពីចុងពីសប្ដាហ៍នេះ បានអោយដឹងថា ក្រោយពីការបញ្ចប់ការប្រកួតប៉ារ៉ាឡាំពិក ឆ្នាំ២០១២រូច មក គណៈកម្មការរៀបចំការប្រកួតកីឡា

កីឡាករកម្ពុជាត្រលប់មកមាតុភូមិវិញជាមួយកិត្តិយស

ក្រុមកីឡាករតូចដែលមានសមាជិកត្រឹមតែ 13 នាក់បានឈ្នះមេដាយប្រាក់ចំនួន

ក្រុមសេះបង្កង់ Juventus ធ្លាក់ពី UEFA Champion League ក្នុងវគ្គ ១៦ ក្រុមចុងក្រោយ

Lyon បានបើកីឡារដ្ឋានទទួលស្វាគមន៍ក្រុមបាល់ទាត់ Juventus ដើម្បីលេង វគ្គជម្រុះ ១៦ ក្រុមចុងក្រោយ ដោយ Lyon មានប្រៀបជាង Juventus ដោយសារកាល ពីប្រគួតនៅទឹកដីរបស់ Juventus ជើងទីមួយ Lyon បានយកឈ្នះក្រុម ម្ចាស់ផ្ទ

ក្រុមអ្នកគាំទ្រសម្រុកមកពហុកីឡដ្ឋាន Bernabéu យ៉ាងភ្លូកទឹកភ្លូកដីដើម្បីអបអរកីឡាករថ្មីក្នុងថ្ងៃបង្ហាញខ្

Eden Hazard នឹងគ្មានថ្ងៃភ្លេចថ្ងៃដំបូងរបស់ខ្លួនជាកីឡាកររបស់ ស្តេចស Real Madrid ឡើយ។

តារាងម៉ោងប្រកួតបាល់ទាត់សំរាប់ថ្ងៃទី 30/03 ដល់ 02/04 ២០១៣

នេះតារាងម៉ោងប្រកួតបាល់ទាត់សំរាប់ថ្ងៃទី 30/03 ដល់ 02/04 ២០១៣ ។

តារាងលទ្ធផលបាល់ទាត់ ២៥ មិនា ២០១៣

នេះជាតារាងលទ្ធផលបាល់ទាត់ ២៥ មិនា ២០១៣ ។