CamNews

ស្វែងរកកំរិតខ្ពស់
ព័ត៌មានអន្តរជាតិ 

Hacker ឥណ្ឌូនេស៊ីត្រូវបានចាប់ខ្លួន ព្រោះចាក់វីដេអូសិចនៅលើអេក្រង់ផ្សាយពាណិជ្ជកម្ម

ជនជាតិឥណ្ឌូនេស៊ីម្នាក់ត្រូវបានចាប់ខ្លួន ក្រោមបទចោទប្រកាន់ថា បានលួចចូលទៅក្នុងប្រព័ន្ធ
អេឡិចត្រូនិចផ្សាយពាណិជ្ជកម្ម រួចចាក់បញ្ចាំងភាពយន្ដសិចក្នុងម៉ោងដែលមានមនុស្សច្រើន
នៅលើដងផ្លូវក្នុងក្រុង Jakarta។

AFP ដកស្រង់ប្រភពពីនគរបាល បានឱ្យដឹងថា ខ្សែភាពយន្តសិចមួយរបស់ជប៉ុន បានត្រូវបញ្ចាំង
រយៈពេល ១០នាទី នៅលើអេក្រង់ផ្សាយពាណិជ្ជកម្មនៅផ្លូវបំបែកធំមួយរបស់ Jakarta កាលពីថ្ងៃ
ទី ៣០កញ្ញា ធ្វើឱ្យអ្នកដំណើរមានការភ្ញាក់ផ្អើល។

ផ្ទាំងអេក្រង់ផ្សាយពាណិជ្ជកម្មនោះ ក្រោយមក ត្រូវបានគេបិទ ប៉ុន្តែ អ្នកដំណើរទាំងឡាយបានថត
រូបភាព និងចែករំលែកនៅលើបណ្ដាញសង្គម។

នគរបាលបានចាប់ផ្ដើមស៊ើបអង្កេត ហើយកាលពីថ្ងៃទី ៤តុលា បានចាប់ខ្លួនអ្នកជំនាញខាង
បច្ចេកវិទ្យាម្នាក់អាយុ ២៤ឆ្នាំ នៅក្នុងការិយាល័យរបស់ជននេះ។

ជនសង្ស័យខាងលើបានសារភាពថា ខ្លួននៅពីក្រោយហេតុការណ៍ និងបានចូលទៅក្នុងប្រព័ន្ធ
អេឡិចត្រូនិច បន្ទាប់ពីបានរកឃើញឈ្មោះ និងលេខកូដសម្ងាត់ដែលអាចចូលទៅកាន់ប្រព័ន្ធ
ម៉ាស៊ីនផ្សាយពាណិជ្ជកម្មនេះ។

ជនសង្ស័យបានឱ្យដឹងថា ខ្លួនធ្វើសកម្មភាពតែម្នាក់ឯង ប៉ុន្តែ នគរបាលកំពុងតែស្រាវជ្រាវបន្ថែម
ដើម្បីរកជនល្មើសដែលជាប់ពាក់ព័ន្ធ។

Hacker ម្នាក់នេះ ត្រូវប្រឈមនឹងការចោទប្រកាន់ពីបទបញ្ចាំងភាពយន្តសិច ហើយអាចនឹងជាប់
ពន្ធនាគាររយៈពេល៦ឆ្នាំ៕

ប្រែសម្រួល ៖ តារា
ប្រភព ៖ AFP


Tags: ឥណ្ឌូនេស៊ី,  ភាពយន្តសិច

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......