CamNews

ព័ត៌មានកីឡា៖ រឿងរ៉ាវបានកើតឡើងវែងឆ្ងាយមកហើយ បើនិយាយពីប្រវត្ដិចាកចេញរបស់កីឡាករ​ Paul Pogba ពីក្លឹប Man United ដែលស្ថិតក្នុងកំលុងពេល នៃការដឹកនាំរបស់លោក Sir Alex Ferguson ។ ខ្សែ​បម្រើវ័យក្មេង ជនជាតិ បារាំងម្នាក់ ត្រូវបាន ផ្ទេរចេញពីក្លឹប Man United កាលពីឆ្នាំ ២០១២ ទៅកាន់ ក្លឹប ​Juventus ក្នុងតម្លៃមិនច្បាស់លាស់ ប៉ុន្ដែបើតាមការអះអាងកន្លងមក គឺមិនបាន អ្វីនោះទេ ហើយ​​​បើ​យោង​​តាមការអះអាងរបស់គេហទំព័រខ្លះ គឺ ក្លឹប បានទទួលខ្លះដែរ ពីក្លឹប Juventus គឺត្រឹមតែ ៨០ ម៉ឺនផោន តែប៉ុណ្ណោះ ។ 

មួយរយៈមុន កាលពីទីផ្សារកីឡាករ​កំពុងតែមានសន្ទុះខ្លាំង ដែលក្លឹបល្បីៗក្នុងវិស័យបាល់ទាត់ជាច្រើន ចោម​រោមទិញ​ដេញថ្លៃយក ហើយតម្លៃខ្លួនកីឡាករ​ឡើងដល់ទៅ ៧០ លានផោន ក៏មានការចុះផ្សាយរបស់គេហទំព័រជាច្រើន បង្ហាញថា លោក Sir Alex Ferguson មានការសោកស្ដាយនឹងលក់កីឡាករ ទៅឲ្យ ក្លឹប Juventus ប៉ុន្ដែទន្ទឹមនឹងការអះអាងនោះ ក៏មានពាក្យសម្ដីរបស់ លោក Sir Alex Ferguson ថ្លែង​ថា​ប្រសិនជា គាត់មាន ឱកាសជា​ថ្នាក់ដឹកនាំ របស់ Paul Pogba ថ្មីនោះគាត់នឹង លក់គេម្ដងទៀត។ 

កាលពីម្សិលមិញ លោក Sir Alex Ferguson បានទម្លាយមូលហេតុ ទាក់ទងនឹងរឿងរ៉ាវកាលពីពេល​នេាះ​ ​ថា មនុស្សពិតប្រាកដដែលគាត់ មិនចូលចិត្ដនោះគឺ មិនមែនកីឡាករនោះទេ គឺជា​ជនទី ៣នៃជើង​សារទីផ្សារកីឡាករ ឈ្មោះថា Mino Raiola ដែលជាភ្នាក់ងារផ្ទាល់របស់កីឡាករ ​Paul Pogba។ មានភ្នាក់​ងារទីផ្សារកីឡាករ ពីរនាក់ដែល គាត់មិនចូលចិត្ដ រហូតមកទល់ពេលនេះ ។ ប្រភពដដែលបានបន្ដ​ទៀត​ថា គាត់គ្មានបំណងអនុញ្ញាតឲ្យ Paul Pogba ចាកចេញនោះទេ ប៉ុន្ដែ គេស្ដាប់តាមការអូសទាញរបស់​​​​​​ Mino Raiola ទាំងកីឡាករកំពុងតស្ថិតក្នុងការសម្រេចផ្ដល់កិច្ចកុងត្រាថ្មី បន្ដនៅ Man United ។ Paul Pogba ទើបតែឈរជើងក្នុងទឹកដី Man Untied បានត្រឹមតែ ៣ រដូវកាលប៉ុណ្ណោះ ហើយក្លឹប ក៏គ្រោងនឹងសម្រេច​កិច្ចកុងត្រាថ្មី ប៉ុន្ដែ បែជាលេចមុខ Mino Raiola មក ហើយក៏បញ្ចុះបញ្ចូល អូសទាញ យកទៅ ស្របពេលកិច្ចកុងត្រាត្រូវ ផុតកំណត់ទៀត ។​ ភាពយឺតយ៉ាវនេះ បានធ្វើឲ្យគាត់យល់ថា Man United គ្មានឱកាសនឹងអាចអូសទាញ Paul Pogba យកមកវិញបានឡើយ ។ គាត់ធ្លាប់មានប្រវត្ដិបង្វឹកកីឡាករ ល្បីៗជាច្រើននាក់មកហើយ ប៉ុន្ដែក៏មិនស្មានដល់ដែរ នៅពេលនោះ ។ 

លោក Sir Alex Ferguson ទទួលរងការរិះគន់យ៉ាងចាស់ដៃ អំពីការសម្រេចចិត្ដផ្ទេរ Paul Pogba ទៅឲ្យ Juventus ខណៈពេលបច្ចុប្បន្ន មានការចង់បានជាខ្លាំងពីបណ្ដាក្លឹប នៅពិភពលោក ហើយហ៊ានទិញក្នុងតម្លៃខ្លួន មិនថោកជាង ៦០ លានផោនផងដែរ ។ 

ដោយ៖ អឿ អ៊ុយ

ប្រភព៖ express