CamNews

ព័ត៌មានកីឡា៖​ ក្លឹបកាំភ្លើងធំ Arsenal បានធ្វើដំណើរទៅកាន់ទឹកដី អាល្លឺ សម្រាប់ការប្រកួត យប់នេះ ដោយប៉ះជាមួយ នឹងម្ចាស់ផ្ទះ Bayern Munich ខណៈដែលក្លឹប​ នេះបានត្រូវ Arsenal បំបាក់រួចម្ដងហើយ កាលពីជើងទីមួយ ក្នុងទឹកដី អង់គ្លេស ក្រោមលទ្ធផលពិន្ទុ ២-០ ក្នុងព្រឹត្ដិការណ៍ Champions League វគ្គចាប់ក្រុម។ 

មកទល់នឹងពេលនេះ បើទោះបីជាលទ្ធផល​ធ្លាប់បរាជ័យហើយម្ដងក៏ដោយ ប៉ុន្ដែលោក Pep Guardiola ថ្នាក់ដឹកនាំក្លឹប Bayern Munich នៅតែសង្ឃឹមថា Arsenal នឹងត្រូវខ្ទាតចេញពីក្រុមជាមិនខានឡើយ សម្រាប់មួយការប្រកួតយប់នេះ ។ 

Arsenal បានបរាជ័យពីរការប្រកួត រួចទៅហើយ មុនពេលដែល មានឱកាសចុងក្រោយ​ត្រូវ យកឈ្នះ​ Bayern​ ហើយស្របពេល Bayern វិញក៏បានឈ្នះពីរការប្រកួតហើយផងដែរ តែបែជាមកចាញ់ក្រោមដៃ Arsenal ទៅវិញ ។ តែទោះជាយ៉ាងណា Arsenal ធ្វើដំណើរលើកនេះ ប្រកបទៅដោយ ភាពក្លាហាន នឹងទឹកមុខរីករាយ ក្នុងនាមជាភ្ញៀវ ។ 

លោក Pep Guardiola បានថ្លែងក្នុងសន្និសិតការសែតមុនការប្រកួតថា Arsenal គឺជាក្លឹបខ្លាំង ហើយមហិច្ឆិតា​របស់គេ ក៏មិនអន់ដែរ ។ ដោយឡែក ក្នុងការប្រកួតនេះ ក្លឹបពិតជាដាក់ខ្សេប្រយុទ្ធដដែលគឺ​ Olivier Giroud មកជាមួយជាមិនខានឡើយ ប៉ុន្ដែទោះជាយ៉ាងណា ក្នុងដំណាក់កាលនេះ គឺពិបាកធ្វើខ្លាំងហើយ ។​​

ក្បួនរៀបចំរបស់ក្លឹប Bayern Munich 

ក្បួនរៀបចំ របស់ Arsenal 

ចំណែកលោក Arsene Wenger វិញក៏បានថ្លែងផងដែរថា គាត់មិនចង់ដណ្ដើមអ្វីពី Bayern Munich នោះទេ ហើយគាត់ក៏ដឹងដែរ សម្រាប់ការហ្វឹកហាត់របស់ពួកគេពិតជាខ្លាំងណាស់ តែទោះជាយ៉ាងណា​ គាត់នៅតែ​គិតថា​ នេះគឺជាឱកាសល្អបំផុត សម្រាប់ក្រុមរបស់គាត់ ដែលកំពុងតែធ្វើដំណើរឆ្ពោះទៅមុខជានិច្ច​។ ហើយមិនត្រឹមតែប៉ុណ្ណោះ គាត់ចង់បញ្ជាក់នូវអ្វីដែលបានប្ដេជ្ញាចិត្ដ កន្លងមក ដោយគាំទ្រឲ្យកីឡាករទាំងអស់ ផ្ដោត​​អារម្មណ៍ ធ្វើនូវរឿងអ្វីដែលខ្លួនកំពុងតែគិត ។

ដោយ៖ អឿ អ៊ុយ

ប្រភព៖ sport360