CamNews

ស្វែងរកកំរិតខ្ពស់
ព័ត៌មានអន្តរជាតិ 

បវរកញ្ញា Mexico ដែលពាក់ព័ន្ធនឹងក្រុមជួញដូរ ថ្នាំញៀន ត្រូវបានសម្លាប់

បវរកញ្ញាក្នុងរដ្ឋមួយរបស់ Mexico បានបាត់បង់ជីវិត នៅក្នុងការប្រយុទ្ធគ្នាមួយរវាងទាហាន
និងក្រុមជួញគ្រឿងញៀន ទិដ្ឋភាពនេះដូចទៅនឹងឈុតឆាកសំដែងនៅក្នុងខ្សែភាពយន្ដដែល
មានមនុស្សទស្សនាច្រើន គឺរឿង "បវរកញ្ញាគ្រាប់កាំភ្លើង"  ដែលនិយាយពីទំនាក់ទំនងរវាង
ក្រុមសង្គមងងឹត ជាមួយនឹងបវរកញ្ញាមួយចំនួនរបស់ប្រទេសនេះ។

សាកសពរបស់ស្រីស្អាត Maria Susana Flores Garmez ដែលមានអាយុ ២០ឆ្នាំ ត្រូវបានរក
ឃើញ កាលពីថ្ងៃទី ២៤ ខែវិច្ឆិកា កន្លងទៅ នៅក្បែរកន្លែងប្រយុទ្ធគ្នា នៅក្នុងតំបន់ភ្នំ​មួយ នៃ
រដ្ឋ Sinaloa ។ ទីនេះ ត្រូវបានគេដឹងថា ជាកន្លែងដែលមានការប្រយុទ្ធគ្នាច្រើនបំផុត រវាងកង
កម្លាំងរដ្ឋាភិបាល និងឧក្រិដ្ឋជន នៅ Mexico ។

ការស្រាវជ្រាវ​ បានឱ្យដឹងថា Flores Garmez មានវត្តមាននៅក្នុងរថយន្ដមួយដែលប្រឈមមុខ
ជាមួយនឹងទាហាន នៅក្នុងការប្រយុទ្ធនៅឯក្រុង Guamuchil រដ្ឋ Sinaloa ដែលជាស្រុកកំណើត
របស់នាង និងជាមូលដ្ឋានធំបំផុតរបស់ក្រុមសង្គមងងឹត។

ការប្រយុទ្ធគ្នាខាងលើ បានចាប់ផ្ដើមឡើង នៅពេលដែលក្រុមជួញដូរថ្នាំញៀន បានបាញ់ទៅ
លើរថយន្ដត្រួតពិនិត្យរបស់ទាហាន។ ក្រុមទាហានក៏បានបាញ់តបត និងដេញតាមពីក្រោយ
រួចបង្ខំក្រុមសង្ស័យឱ្យចូលក្នុងផ្ទះមួយរបស់ភ្នាក់ងារសម្ងាត់ មានទីតាំងនៅខណ្ឌ   Mocorito
ប៉ុន្ដែ  ពួកវាបានរត់រួច។ ការប្រយុទ្ធគ្នាក៏បានបន្ដ នៅតាមដងផ្លូវក្បែរនោះ។ ចុងក្រោយ ក្រុម
ទាហានក៏បានរឹបអូសយករថយន្ដចំនួន ៦គ្រឿង ថ្នាំញៀន និងអាវុធ។ល។

នេះគឺជាករណីទីបី ដែលមានបវរកញ្ញា ឬ បេក្ខភាពបវរកញ្ញាមានជាប់ពាក់ព័ន្ធទៅនឹងក្រុមជួញ
ដូរថ្នាំញៀនប្រដាប់ដោយអាវុធ របស់ប្រទេស Mexico ៕

ដោយ ៖ សីហា
ប្រភព ៖ VE


Tags: បវរកញ្ញា ,  Mexico ,  drug ,  Maria Susana Flores Garmez

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......