Trump ចង់ឲ្យមានការទារពន្ធ ២០% លើទំនិញនាំចូលពីម៉ិចស៊ីកូ យកទៅកសាងជញ្ជាំងព្រំដែន!
(វ៉ាស៊ីនតោន)៖ ក្រោយពីមានភាពប្រឈមមុខដាក់គ្នលើបញ្ហាកសាងជញ្ជាំងព្រំដែននោះ លោក ដូណាល់ ត្រាំ ដែលជាប្រធានាធិបតីអាមេរិកថ្មីទើបឡើងកាន់តំណែងបានមួយសប្តាហ៍ បានបន្ថយបន្ទុកលើប្រទេសជិតខាងរបស់ខ្លួនគឺម៉ិចស៊ីកូ ដោយលោកចង់ឲ្យទំនិញទាំងអស់ធ្វើការបង់ពន្ធ ២០%ទៅលើតម្លៃដើមក្នុងនាំចូលឆ្លងកាត់ព្រំដែនមកសហរដ្ឋអាមេរិក។ នេះបើតាមការចេញផ្សាយដោយទីភ្នាក់ងារព័ត៌មានចិនស៊ិនហួរ នាព្រឹកថ្ងៃសុក្រ ទី២៧ ខែមករា ឆ្នាំ២០១៧។
អ្នកពាក្យសេតវិមានលោក ស៊ាន ស្ប៉ៃស៊ឺ បានប្រាប់ក្នុងបទសង្ខេបព័ត៌មានប្រចាំថ្ងៃព្រហស្បតិ៍ថា «ប្រធានាធិបតីលោក ត្រាំ ចង់ឲ្យមានការយកពន្ធពីការនាំចូលទំនិញពីម៉ិចស៊ីកូនោះទៅកសាងជញ្ជាំងព្រំដែនរវាងប្រទេសជិតខាងទាំងពីរ។ យើងកំពុងធ្វើការសម្រួលឲ្យមានកំណែទម្រង់លើផ្នែកពន្ធ ដើម្បីកាត់បន្ថយឱនភាពពាណិជ្ជកម្មរបស់យើង»។
គួរបញ្ជាក់ថាជុំវិញគំរោងកសាងជញ្ជាំងព្រំដែនខាងលើនេះ បានបង្ខំឲ្យប្រធានាធិបតីម៉ិចស៊ីកូលោក ផេណា នាតូ លុបចោលគំរោងបំពេញទស្សនកិច្ចនៅអាមេរិកនាថ្ងៃអង្គារ សប្តាហ៍ក្រោយនេះទៅកាន់រដ្ឋធានីវ៉ាស៊ីនតោន ទើបក្រោយមកប៉ុន្មានម៉ោង អ្នកនាំពាក្យសេតវិមានក៏បានប្រកាសពីផែនការថ្មីដែលលោក ដូណាល់ ត្រាំ ចង់បាននោះគឺការយកពន្ធ ២០%លើទំនិញនាំចូលពីម៉ិចស៊ីកូ ហើយចំណូលពន្ធទាំងនោះនឹងត្រូវយកទៅកសាងជញ្ជាំងព្រំដែន។
ទោះបីជាបែបនេះក្តីអ្នកវិភាគបានលើកឡើងថា លោក ត្រាំ មិនអាចទាមទារពន្ធបន្ថែមលើការនាំចូលទំនិញពីប្រទេសម៉ិចស៊ីកូនោះឡើយ ពីព្រោះតែកិច្ចព្រមព្រៀងពាណិជ្ជកម្មសេរីអាមេរិកខាងជើង (NAFTA) ដែលបានសម្រេចធ្វើការលុបចោលពន្ធរវាងអាមេរិក កាណាដា និងម៉ិចស៊ីកូរួចទៅហើយ៕
ផ្តល់សិទ្ធដោយ ៖ ហ្វ្រេសញូវអាស៊ី
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
