តម្លៃសំបុត្រទស្សនាក្រុមភ្នំពេញក្រោន ប៉ះ Home United ដណ្ដើមកៅអី AFC Cup ដើមសប្ដាហ៍ក្រោយ
(ភ្នំពេញ)៖ នៅសល់ពេលតែ ៤ថ្ងៃទៀតប៉ុណ្ណោះ ជំនួបដ៏កក្រើករវាងក្រុមភ្នំពេញក្រោនរបស់កម្ពុជា និងក្រុម Home United របស់សិង្ហបុរី ដើម្បីដណ្ដើមកៅអីវគ្គចែកពូលពានរង្វាន់ AFC Cup 2017 នឹងមកដល់ហើយ ពោលគឺនៅថ្ងៃទី៣០ ខែមករាដើមសប្ដាហ៍ក្រោយ ដែលជាការប្រកួតជើងទី១ នៅកីឡដ្ឋាន RSN របស់ម្ចាស់ផ្ទះភ្នំពេញក្រោន។
ទន្ទឹមជាមួយគ្នានេះ ក្លឹបភ្នំពេញក្រោន ក៏បានប្រកាសអំពីតម្លៃសំបុត្រចូលទស្សនាការប្រកួតដ៏សំខាន់នេះហើយដែរ ពោលគឺកន្លែងអង្គុយមានដំបូលតម្លៃ ៨,០០០រៀល និងកន្លែងអង្គុយគ្មានដំបូលតម្លៃត្រឹមតែ ៤,០០០រៀលប៉ុណ្ណោះ។ ប៉ុន្ដែអ្វីដែលពិសេស សម្រាប់អ្នកគាំទ្រទិញសំបុត្រចូលទស្សនានេះ ក៏មានឱកាសចាប់ឆ្នោតកន្ទុយសំបុត្រ ដើម្បីឈ្នះរង្វាន់ទូរស័ព្ទស៊េរីទំនើប Iphone-7 ចំនួន ៤គ្រឿងទៀតផង។
គួរបញ្ជាក់ថា បច្ចុប្បន្នភ្នំពេញក្រោន កំពុងបោះជំរុំហ្វឹកហាត់នៅទីលានសាលាបាល់ទាត់ជាតិបាទី ខេត្តតាកែវ ដើម្បីត្រៀមទទួលក្រុមបាល់ទាត់អាជីព Home United ក្នុងជំនួបជើងទី១ នាដើមសប្ដាហ៍ក្រោយ បន្ទាប់មកទើបក្រុមទាំងពីរ ត្រូវជួបគ្នាជើងទី២ នៅថ្ងៃទី៧ ខែកុម្ភៈខាងមុខ ដើម្បីកាត់សេចក្ដីថា តើក្រុមណាត្រូវឆ្លងផុតវគ្គជម្រុះ Play-Off នេះ? ចំណែកក្រុម Home United នឹងធ្វើដំណើរមកដល់កម្ពុជានាថ្ងៃទី២៨ ខែមករាចុងសប្ដាហ៍នេះ៕
ផ្តល់សិទ្ធដោយ ៖ ខ្មែរថកឃីង
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
កីឡាជាតិ ដែលមើលច្រើន
