ស្លាប់ម្នាក់ បាត់ខ្លួន ហោចណាស់ ៥២ នាក់ ក្រោយនាវានេសាទ អូសចារ៉ៃ ក្រឡាប់លិច លើផ្ទៃជលសារ
ព័ត៌មានអន្តរជាតិ ៖ ហោចណាស់ មនុស្សម្នាក់ បានស្លាប់បាត់បង់ជីវិត ស្របពេលដែល ៥២ នាក់ផ្សេង
ទៀតបន្តបាត់ខ្លួននៅឡើយ បន្ទាប់ពីនាវានេសាទមួយគ្រឿងរបស់ប្រទេស កូរ៉េ ខាងត្បូង បានក្រឡាប់ លិចនៅលើជលសារ នាភាគខាងកើតឧបទ្ទីប Chukotka ប្រទេស រុស្ស៊ី នេះ បើយោងតាមការដកស្រង់ សម្តីមន្រ្តីផ្លូវការ ។
បន្ថែមពីលើនេះ ប្រភពសារព័ត៌មានពីទំព័រប៊ីប៊ីស៊ី ក្រោយពីបានដកស្រង់ សម្តីមន្រ្តី ប្រទេស កូរ៉េខាង ត្បូង បានចុះផ្សាយអោយដឹងថា នាវានេសាទត្រី អូសចៃរ៉ាមួយគ្រឿងនេះ មានឈ្មោះថា Oryong 501 បានជាប់កឿង នៅឯសមុទ្រ Bering វេលាម៉ោង ប្រមាណជាង ៥ និង ២០ នាទី ម៉ោងក្នុងស្រុកកូរ៉េខាង ត្បូង ។ របាយការណ៍បញ្ជាក់ថា នាវាខាងលើនេះ ផ្ទុកក្រុមនាវា ជារួមមានគ្នាដល់ទៅ ៦០ នាក់ រួមមាន ដូចជា នាវិកជនជាតិ ឥណ្ឌូនេស៊ី ៣៥ នាក់ ហ្វីលីពិន ១៣ នាក់ កូរ៉េខាងត្បូង ១១ នាក់ និង អធិការជន ជាតិរុស្ស៊ីម្នាក់ផ្សេងទៀត ។
កាសែតក្នុងស្រុក ប្រទេស រុស្ស៊ី អោយដឹងថា មនុស្សហោចណាស់ ៧ នាក់ ត្រូវ បានក្រុមការងារជួយ សង្គ្រោះ ស្របពេលដែលប្រតិបត្តិការជួយសង្គ្រោះត្រូវបានញ៉ាំញីដោយសារអាកាសធាតុមិនអំណោយ ផល ។ ភ្នាក់ងារសារព័ត៌មាន RIA Novosti ដកស្រង់មន្រ្តីអនុវត្តន៍ច្បាប់ អោយ ដឹងថា នាវាខាងលើពុំ បានប្រកាសសញ្ញាអាសន្នអ្វីនោះទេ មុននឹងជួបឧបទ្ទេវហេតុ ។
ដោយឡែក កាសែតក្នុងស្រុក កូរ៉េខាងត្បូង Yonhap រាយការណ៍អោយដឹងថា នាវា នេសាទអូសចារ៉ៃ មួយគ្រឿងនេះ មានឈ្មោះថា Oryong 501 មានទម្ងន់ ដល់ទៅ ១៥៩០ តោន កសាងឡើងអំឡុង ៤០ ឆ្នាំមុន និងដំណើរការ ដោយសហគ្រាស Sajo ៕
ប្រែសម្រួល ៖ កុសល
ប្រភព ៖ ប៊ីប៊ីស៊ី
- ទោះបីទទួលមរណភាពច្រើនឆ្នាំហើយ តែហ្វេនមិនដែលភ្លេចសារជូនពរថ្ងៃកំណើតរបស់ Jonghyun នោះទេ (03/05/2019 15:25:00)
- ព្រោះតែតារាចម្រៀង SHINee ទើបធ្វើឲ្យបុរសម្នាក់.....!! (24/04/2019 10:42:00)
- Lee min ho នឹងត្រលប់មកសម្តែងរឿងធម្មតាវិញ ក្នុងកំឡុងពេលបីថ្ងៃខាងមុខនេះ (22/04/2019 16:50:00)
- មិននឹកស្មានថា MV បទ "Kill This Love" របស់ Blackpink មានអ្នកទស្សនាច្រើនដល់ថ្នាក់នេះ ខណៈទើបផុសបាន ១៥ (05/04/2019 13:43:00)
- តារាកូរ៉េទាំង ៩ ដែលមានធ្មេញសរ ចែងចាំង គួរឲ្យទាក់ទាញ (22/03/2019 15:25:00)
- Minho នឹងធ្វើរឿងមួយសិនជូនហ្វេនសិន មុនពេលចូលបម្រើសេវាយោធា (21/03/2019 14:45:00)
- ភរិយាតារាចម្រៀង Rain នឹងផ្តល់កំណើតដល់កូនទីពីរក្នុងខែណាហើយ? (28/02/2019 09:41:00)
- តារាចម្រៀង Park Bom នឹងត្រលប់មកវិញ ជាមួយឹងអាល់ប៊ុមថ្មី នៅខែក្រោយ (15/02/2019 11:33:00)
- តារាចម្រៀងកូរ៉េ នាង Suran នឹងចេញអាល់ប៊ុមខ្នាតតូចថ្មី នៅខែនេះ (14/02/2019 11:42:00)
- បែកធ្លាយដំណឹងថា Suzy និង Lee Min Ho ត្រលប់ទៅបង្កាត់ភ្លើងស្នេហ៍ចាស់ (11/02/2019 11:45:00)
ព័ត៌មានអន្តរជាតិ ដែលមើលច្រើន
