CamNews

ស្វែងរកកំរិតខ្ពស់
ព័ត៌មានអន្តរជាតិ 

គីម ជុងអ៊ុន បណ្តេញអនុរដ្ឋមន្ត្រីការបទេសម្នាក់ ឲ្យទៅធ្វើស្រែ ព្រោះធ្វើឲ្យប្រទេសជាតិបាក់មុខ

(សេអ៊ូល)៖ សារព័ត៌មានកូរ៉េខាងត្បូង JoongAng Ilbo បានរាយការណ៍នៅថ្ងៃពុធ ទី១២ ខែតុលានេះថា អនុរដ្ឋមន្ត្រីការបរទេសកូរ៉េខាងជើងមួយរូប ត្រូវបានបណ្ដេញចេញពីការងារ និងបញ្ជូនទៅកាន់តំបន់ជនបទមួយកន្លែង ជាការដាក់ទណ្ឌកម្ម ចំពោះការបំពេញតួនាទីមិនល្អនាំឲ្យ អគ្គរដ្ឋទូតកូរ៉េខាងជើង ប្រចំាប្រទេសអង់គ្លេស រត់ទៅកាន់កូរ៉េខាងត្បូង កាលពីរដូវក្ដៅកន្លងទៅ និងបង្កឲ្យមានក្តីអាម៉ាស់យ៉ាងខ្លាំងលើឆាកអន្តរជាតិ។


JoongAng Ilbo បានបញ្ជាក់ទៀតថា​ ការរត់ភៀសខ្លួនទៅកាន់កូរ៉េខាងត្បូង របស់អគ្គរដ្ឋទូត កូរ៉េខាងជើង ប្រចំាប្រទេសអង់គ្លេស លោក Thae Yong-Ho បានធ្វើឱ្យលោក Kim Jong Un ផ្ទុះកំហឹងយ៉ាងខ្លាំង ព្រមទំាងបានបញ្ជាឱ្យធ្វើការតាមដាន លើក្រសួងការបរទេសទំាងមូលតែម្ដង ដោយក្នុងនោះ អនុរដ្ឋមន្ត្រីការបរទេស កូរ៉េខាងជើង លោក Kung Sok-Ung និងគ្រួសារ ត្រូវបានបណ្ដេញចេញពីទីក្រុងព្យុងយ៉ាងទៅកាន់តំបន់ជន បទមួយកន្លែង។

ដោយឡែកមន្ត្រីទូតទទួលបន្ទុកកិច្ចការអឺរ៉ុប ០៤នាក់ផ្សេងទៀត ក៏ត្រូវបានគេហាមឃាត់មិនឱ្យស្នាក់ នៅក្នុងទីក្រុង ព្យុងយ៉ាង ផងដែរ។ លោក Kung Sok-Ung មានអាយុ៧២ឆ្នាំ គឺជាមន្ត្រីការទូតមួយរូប ទទួលបន្ទុកទំនាក់ទំនងដោយផ្ទាល់ជាមួយរុស្ស៊ី និង អឺរ៉ុប អស់រយៈពេលជាង ២០ឆ្នាំមកហើយ។​

គួរបញ្ជាក់ថា ចាប់តំាងពីបានឡើងកាន់អំណាចនៅឆ្នាំ២០១១មក លោក Kim Jong Un បានប្រើប្រាស់ការ ប្រហារជីវិត និងការបោសសំអាតផ្ទៃក្នុង ជាមធ្យោបាយពង្រឹងអំណាចរបស់ខ្លួន តួយ៉ាងកាលពីខែធ្នូឆ្នាំ២០១៣ លោកបានបញ្ជាឱ្យគេប្រហារជីវិតឪពុកមារបស់ខ្លួន គឺលោក Jang Song-Thaek ក្រោមទោសក្បត់ជាតិនិង ពុករលួយ៕

 


ប្រភព ៖​ presstv/JoongAng Ilbo

ផ្តល់សិទ្ធដោយ ៖ ហ្វ្រេសញូវអាស៊ី


Tags: north korea,  south korea,  missile,  satellite

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......