ព័ត៌មានកីឡាករ៖ ក្រៅពីភាពល្បីល្បាញ ក្នុងអាជីពជាកីឡាករបាល់ទាត់ Cristiano Ronaldo ពិតជាមិនត្រូវបានគេនឹកស្មានថា នូវមានរឿងរ៉ាវល្បីខ្លាំងជាងនេះ ទៅទៀតដែលត្រូវបានអ្នកសារព័ត៌មានចុះផ្សាយ ជាបន្ដបន្ទាប់ ទាក់ទងពីការបែកបាក់ទំនាក់ទំនងជាមួយដៃគូរជីវិតរបស់កីឡាករ។
យោងតាមការលើកឡើងបង្ហាញរបស់គេហទំព័រ អន្ដរជាតិមួយឈ្មោះ sports.ndtv បានឲ្យដឹងថា ទំនាក់ទំនងមិត្ដភាពដ៏ស្និតស្នាលរវាងគូស្នេហ៍មួយគូរនេះ ពិតជាផ្អែមល្ហែម ស្អិតដូចស្ករតាំងម៉ែ ថែមទាំងពោពេញដោយពន្លឺចែងចាំងនៃវិថីជីវិតខាងមុខ ខុសប្លែកពីគូស្នេហ៍ដទៃ។ ជាក់ស្ដែងសមត្ថភាពពួកគេទាំង ២ ស្របលើកម្រិតផ្លូវទន្ទឹមគ្នា ដោយ Ronaldo ជាប់ឈ្មោះជាកីឡាករលំដាប់ថ្នាក់ពិភពលោក រីឯនាង Irina Shayk ជាគូរស្នេហ៍គាត់គឺជាតារាម៉ូដែលល្បីលើពិភពលោកដូចគ្នា ។
ប្រភពគេហទំព័របានឲ្យដឹងទៀតថា មិត្ដិភាពគូរស្នេហ៍មួយនេះ ប្រើពេលវេលារហួតដល់ទៅជិត ៥ ឆ្នាំ ទៅហើយ មិនដែលឮសូរមានរឿងអ្វីត្រូវបែកធ្លាយ ឬបង្កជាហេតុធំដំនេាះដែរ ប៉ុន្ដែមួយរយៈពេលក្រោយនេះ ស្រាប់តែលេចធ្លាយដំណឹងថាអ្នកទាំង ២ បានចែកផ្លូវគ្នា ដោយប្រកាន់លើមូលហេតុបន្ដិចបន្ដូចជាមួយនិង បំណងប្រាថ្នារបស់ Ronaldo ចង់នាំនាង ព្រមទាំងកូនប្រុសគាត់ទៅលេងផ្ទះម្ដាយ ប៉ុន្ដែនាងមិនយល់ព្រម។ ប្រភពព័ត៌មានបានបន្ដទៀតថា មូលហេតុដែលកីឡាករចង់នាំមិត្ដស្រីដ៏ស្រស់ស្អាតរបស់ខ្លួនទៅជួបម្ដាយនោះគឺ ពីព្រោះគាត់ចង់ធ្វើពិធីជប់លេងថ្ងៃខួបកំណើតនាង ជួបជុំគ្នាជាមួយគ្រួសារ ប៉ុន្ដែថ្ងៃខួបកំណើតរបស់នាងពេលនេាះ គឺនាងក៏មានគម្រោងសម្រាប់ខ្លួនឯងដែរ ដូច្នោះគោលដៅអ្នកទាំង ២ ក៏បញ្ច្រាសទិសគ្នា បង្កឲ្យមានការជជែកគ្នាតែម្ដង។
ស្របនិងការលើកឡើងដូច្នោះ ក៏មានសំណួរមួយចោទឡើងផងដែរ ថា តើការបែកបាក់គ្នានេះ មានការសង្ស័យអ្វីក្រៅទេ?
ឆ្លើយតបនឹងការចោទសួរដូច្នោះ តាមការលើកឡើងមិនហ៊ានសន្មត់ច្បាស់លាស់នោះ ទេ ប៉ុន្ដែដោយឡែក តាមការសង្កេតឃើញកន្លងមក Ronaldo តែងតែបង្ហាញវត្ដមានក្នុងកម្មវិធីដ៏ធំរបស់ ដូចជាការទទួលរង្វាន់បាល់មាសពិភពលោកជាដើម គឺមិនដែលមានវត្ដមានរបស់នាង Irina Shayk ម្ដងណាឡើយរដូវកាលក្នុងរដូវកាលចុងក្រោយនេះ ។ ហើយលើសពីនេះទៅទៀត នៅមានរឿងមួយទៀតដែលជាប់ពាក់ព័ន្ធនិងម្ដាយរបស់ Ronaldo មានឈ្មោះថា Dolores ត្រូវបានគេដឹងថាអ្នកស្រីគឺធ្លាប់គិតថា Irina Shayk គឺមិនសាកសមនិងកូនប្រុសរបស់គាត់នោះទេ។ ប៉ុន្ដែតាមការដឹងឮកន្លងមក គ្រួសាររបស់កីឡាករមិនមិនមែនជាគ្រួសារអ្នកមានអ្វីនោះទេ គឺទើបតែមានការផ្លាស់ប្ដូរខណៈប៉ុន្មានឆ្នាំក្រោយប៉ុណ្ណោះ ។
ដោយ៖ អឿ អ៊ុយ
ប្រភព៖ sports.ndtv