CamNews

កាលពីវេលាម៉ោង ១២ និង ៣០ នាទីថ្ងៃត្រង់ ថ្ងៃទី០៤ ខែធ្នូកន្លងទៅនេះ មានរថយន្តមួយគ្រឿង ដឹកស្រាបៀរ Tiger ចំនួន ១៥០០ កេស (មានទាំងប្រភេទដប និងកំប៉ុង) បានជួបគ្រោះថ្នាក់ ចរាចរមួយ ហើយបានចាក់ស្រាបៀរ ខ្ទង់ពាន់កេសទាំងនោះ ចោលពេញផ្លូវ។ គ្រោះថ្នាក់នេះ បានកើតឡើងនៅតំបន់ Tam Hiep ទីក្រុង Bien Hoa ខេត្ត Dong Nai ប្រទេសវៀតណាម។

មូលហេតុនៃគ្រោះថ្នាក់នេះ ត្រូវបានប្រភពព័ត៌មាន បានឲ្យដឹងថា បណ្តាលមកពីការធ្វសប្រហែស របស់អ្នកបើកបរ ក្នុងពេលដែលកំពុងបើកបររថយន្ត ក្នុងល្បឿនលឿនមួយ ដោយសារនៅលើដង ផ្លូវដែលខ្លួន កំពុងបើក ហាក់ដូចជាមានការកកស្ទះចរាចរ ខ្លួនក៏សម្រេចចិត្ត បត់ទៅផ្លូវមួយទៀត ភ្លាមៗ បណ្តាលឲ្យរថយន្តរអិល (ដូចជា Drift) ចាក់ស្របៀរ Tiger ១៥០០ កេស រ៉ាយប៉ាយ ពេញផ្លូវ។ សំណាងណាស់ ដែលក្នុងគ្រោះថ្នាក់នេះ មិនបណ្តាលឲ្យអ្នកណាម្នាក់ មានរងរបួស។

ឃើញទិដ្ឋភាពបែបនេះ ប្រជាពលរដ្ឋ ដែលកំពុងធ្វើដំណើរឆ្លងកាត់ កន្លែងកើតហេតុ ក៏ដូចជា ប្រជាពលរដ្ឋ ដែលរស់នៅក្បែរ កន្លែងកើតហេតុ ក៏បាននាំគ្នា មកដណ្តើម គ្នារើសយក ស្រាបៀរ ទាំងនោះ មួយអស់ដៃរៀងៗខ្លួន បើទោះបីជា អ្នកបើកបរ សំពះអង្វរ សូមកុំរើសយក រហូតដល់ យំស្រែក ក៏ប្រជាពលរដ្ឋ ទាំងអស់នោះ មិនព្រមស្តាប់ ដោយមានអ្នកខ្លះ ថែមទាំងចង់វាយ អ្នក បើកបរនោះទៀតផង ព្រោះឃាត់គេខ្លាំងពេក។​ រយះពេលតែ ១៥ នាទីប៉ុណ្ណោះ ស្របៀរ ខ្ទង់ពាន់ កេស ដែលចាក់ចោលពេញផ្លូវនោះ ត្រូវបានរើសហ្មត់ គ្មានសល់មួយ កំប៉ុងណាឡើយ។

បន្ទាប់ពីបានឃើញ វីដេអូនេះ​នៅលើប្រព័ន្ធសារព័ត៌មាន មានអ្នកលេងអ៊ីនធឺណេត ជាច្រើននាក់ ក៏បានបញ្ចេញមតិរិះគន់ យ៉ាងខ្លាំងទៅលើ សកម្មភាព ដ៏គួរឲ្យអាម៉ាស់ របស់ប្រជាពលរដ្ឋ ទាំង នោះ ដែលសប្បាយរីករាយ ដណ្តើមគ្នារើសស្រាបៀរ លើគំនរទុក្ខសោក ទឹកភ្នែក របស់អ្នក បើកបរ ។

សូមទស្សនាវីដេអូខាងក្រោមនេះ ទាំងអស់គ្នា៖

ដោយ៖ សិលា
ប្រភព៖ kenh14 & youtube