CamNews

(ភ្នំពេញ)៖ ក្រុមបាល់ទាត់ជម្រើសជាតិវ៉េល បានឡើងមកនៅចំណាត់ថ្នាក់ទី១១ ក្នុងតារាងពិភពលោកជាប្រវត្តិសាស្រ្ត លើ​ក្រុម​អង់​គ្លេស ទៅ​ទៀត​ដែល​ឈរ​នៅ​ចំណាត់​ថ្នាក់​លេខ​រៀង​ទី​១៣ និង​កម្ពុជា​វិញ ឈរ​នៅ​ចំណាត់​ថ្នាក់ ១៨០ នេះបើយោងតាមគេហទំព័រ FIFA ​ចេញ​ផ្សាយ​មុន​នេះ​។

អង្គភាពគ្រប់គ្រងកីឡាបាល់ទាត់ពិភពលោកខាងលើដដែល បញ្ជាក់បន្ថែមថា នេះជាប្រវតិ្តសាស្រ្តសម្រាប់ក្រុមបាល់ ទាត់របស់ប្រទេស​តូច​មួយ​ស្ថិត​ក្នុង​ចក្រ​ភព​អង់​គ្លេស ក្រោយ​ពី​ធ្វើ​បានល្អឡើងមកដល់វគ្គពាក់កណ្តាលផ្តាច់ព្រ័ត្រ នៃព្រឹត្តិការណ៍ពានរង្វាន់ប្រចាំទ្វីបអឺរ៉ុប UEFA Euro 2016 ដែល​ទើប​បញ្ចប់​ទៅ​ថ្មីៗ​នេះ ស្រប​ពេល​ដែល​ប្រទេស​ធំ អង់​គ្លេស ដែលបានហាលអាវត្រឹមវគ្គ ១៦ក្រុមនោះ កំពុងឈរនៅលេខរៀងទី១៣ វិញប្រចាំខែកក្កដា ឆ្នាំ២០១៦។

ទន្ទឹមគ្នានោះដែរ ក្រុមដែលមានរហស្សនាមថា «នាគក្រហម» នោះ គឺស្ថិត Rank ក្រោមតែប្រទេស១០ប៉ុណ្ណោះ គ្រាដែលអាហ្សង់ទីន ឈរនៅលេខ១ បើ​ទោះ​បី​ជា​ចាញ់​ឈីលី ៤-២ ដោយបាល់ប៉េណាល់ទីក្នុងយុទ្ធនាការ Copa America Centenario 2016 នៅអាមេរិក​ក៏​ដោយ ជា​មួយ​នឹង​ក្រុម​លេខ​២ ប៊ែល​ហ្ស៊ិក លេខ​​៣ កូឡុំប៊ី និង​​ម្ចាស់​​ពាន World Cup 2014 អាល្លឺម៉ង់ ឈរ​នៅ​លេខ​៤ ស្រប​ពេល​ដែល​ម្ចាស់​ពាន Euro 2016 ព័រ​ទុយ​ហ្គាល់ ឈរ​នៅ​លេខ​៦ និងបារាំង លេខ៧ ក្នុងចំណោម ២០៨ប្រទេស ជាសមាជិករបស់ FIFA។

ងាកមកមើលក្រុមបាល់ទាត់ គោព្រៃកម្ពុជា វិញ បានកំពុងតែឈរនៅចំណាត់ថ្នាក់លេខទី១៨០ ក្នុង FIFA Ranking បណ្តោះអាសន្ន ដោយឈរនៅ​លេខ​ល្អ​ជាង​ប្រទេស​ទីម័រ​ខាង​កើត ឥណ្ឌូនេស៊ី និង​ប្រ៊ុយណេ ក្នុងចំណោម១១ប្រទេស ក្នុងតំបន់អាស៊ាន ក្រៅពីថៃ លេខ១ វៀតណាម លេខ២ សិង្ហបុរី លេខ៣ និងមីយ៉ាន់ម៉ា (ភូមា) ឈរនៅលេខ៤៕

ក្រុមជម្រើសជាតិ វ៉េល

ក្រុមជម្រើសជាតិ កម្ពុជា

ផ្តល់សិទ្ធដោយ ៖ ខ្មែរថកឃីង