CamNews

ព័ត៌មានកីឡា៖ Manchester United ទទួលរងការបរាជ័យយ៉ាងអាម៉ាស​បំផុត ដែលកន្លងមកក្រុមមិនដែលជួបប្រទះទាល់តែសោះក្នុងរដូវកាលនេះ គឺថាការបរាជ័យ ត្រូវបានកើតឡើងក្នុងទឹកដីរបស់​ខ្លួនតែ​ម្ដង ។ 

ក្រុមភ្ញៀវ Southampton បានប្រើរន្ទះជើងពិសេសរបស់ខ្លួនក្នុងនាទីទី ៦៩ ដោយកីឡាករ Dusan Tadic​ សម្រេចបាន ១ គ្រាប់ ធ្វើឲ្យ Manchester United ដួលស្ទើតែក្រោកឡើងមិនរួច ។ ការបរាជ័យលើកនេះ បានធ្វើឲ្យ ក្រុមម្ចាស់ផ្ទះ​​មានអារម្មណ៍ខុសប្លែកពីពេលណាៗទាំងអស់ ដោយឡែក ប្រវត្ដិនៃការលេងរបស់  Man united ក្នុងទឹក​ដីរបស់ខ្លួន គឺមិនសូវមាន ដៃគូរណាមួយអាចបំបាក់ឲ្យដូលនឹងកន្លែងបានណាស់ យ៉ាងច្រើន ត្រឹមតែស្មើ​ប៉ុណ្ណោះ ប៉ុន្ដែពេលនេះ បែជាត្រូវក្រុម ដែលមិនសូវមានសមត្ថភាពអាចបំបាក់បានទាល់តែសោះ។ រឿង​មួយទៀត Man United បានបរាជ័យជាមួយនិងការ បង្កើតកំណត់ត្រាប្រចាំក្រុមមិនដែលចាញ់ក្នុង ១០ ប្រកួត​ចុងក្រោយ ដែលជាក្ដីសង្ឃឹមរបស់ថ្នាក់ដឹកនាំ គឺលោក Louis van Gaal មានន័យថា មួយរយៈចុងក្រោយនៃការប្រកួតរបស់ក្រុម គឺមិនទាន់បានចាញ់ក្រោមជើង នរណាម្នាក់នោះឡើយ ហើយក្ដីរំពឹងទុកបន្ដគឺថា ក្រុមនិងទទួលបានជោគជ័យរាល់ការប្រកួតក្រោយៗ​ទៀត ។ 

ស្របនិងការទទួលបានលទ្ធផលដូច្នោះ កីឡាករជួរមុខរបស់ Man United គឺ Wayne Rooney បានបង្ហាញ​ពីការសោកស្ដាយចំពោះក្រុម ផងដែរ ដោយលើកឡើងថា ការបរាជ័យលើកនេះ ធ្វើឲ្យគាត់​​ភ្ញាក់ផ្អើល ជាខ្លាំង ដោយឡែក ការលេងរបស់គាត់ គឺសង្ឃឹមច្រើនជាងពេលមុនខ្លាំងណាស់ ព្រោះ​​ក្រុមស្ទើតែបើកឆាកប្រកួតអាចរកពិន្ទុបានចាប់តាំងតែនាទីទី ១ មកម្ល៉េះ ពោលក្រុមមានឱកាសច្រើន​និងដណ្ដើមយកជ័យជំនះ ពីដៃគូរប្រកួត ប៉ុន្ដែចុងក្រោយ បែជាត្រូវចាញ់គេទៅវិញ ។ ឆ្លងកាត់ការ​បរាជ័យលើកនេះ បានធ្វើឲ្យគាត់ភ្លឺភ្នែក និង​ ផ្ដល់មេរៀនល្អជាច្រើន ។ 

Man United ក្រោយពីចាញ់ Southampton មកក្រុមត្រូវប្ដូរដំណែងគ្នាក្នុងជួតារាង ដោយ ​Southampton​ ត្រូវតម្លើងខ្លួនមកកាន់លេងរៀងទី ៣ ហើយ Man United ត្រូវធ្លាក់មកកាន់តំណែងទី​ ៤ វិញម្ដង ។​

ដោយ៖ អឿ អ៊ុយ

ប្រភព៖ ប៊ីប៊ីស៊ី & Mirror