CamNews

ព័ត៌មានកីឡា៖ Cristiano Ronaldo បានប្រារព្ធកម្មវិធីខួបកំណើតរបស់ខ្លួន ឈានដល់វ័យ ៣០ ឆ្នាំត្រឹមថ្ងៃ​ទី៥ ខែកុម្ភះ ប៉ុន្ដែគាត់គ្រោងនឹងធ្វើឡើងនៅល្ងាចថ្ងៃសៅរ៍ បន្ទាប់ពីក្រុម Real Madrid ប្រកួតជាមួយ​ Atletico Madrid ហើយមានមិត្ដភក្ដិជាច្រើន ព្រមទាំងគ្រួសាររបស់​គាត់ មកចូលរួម យ៉ាងអធិកអធម អប​អរ​ដល់គាត់​​ប៉ុន្ដែកម្មវិធីមួយនោះ រងការរិះគន់យ៉ាងខ្លាំង ពីក្រុមអ្នកគ្រាំទ្រក្រុមរបស់ខ្លួន​។ 

កម្មវិធីដ៏អធិកធមស្ថិតក្រោមការរៀបចំរបស់​កីឡាករ​ បានប្រែក្លាយជារូបភាពមួយឆ្លុះបញ្ចាំងពីទុកក្រៀមក្រំ​ក្រោយការវាយតម្លៃរិះគន់ជាខ្លាំងពីប្រិយមិត្ដគាំទ្រក្រុម អំពីការសម្រេចចិត្ដមួយនេះ ។ 

ទាក់ទិន​រឿងរ៉ាវកើតឡើងដូច្នោះ លោក Jorge Mendes ដែលត្រូវគេស្គាល់ជា ​ឈ្មួញកណ្ដាលកីឡាករ​នោះបានបង្ហាញទស្សនៈស្របតាមគំនិតរបស់ Ronaldo ថា ការសម្រេចចិត្ដរបស់គាត់​គឺពិតជាត្រឹមត្រូវ​ណាស់ គាត់ឯកភាពទាំងស្រុង ។ ពីព្រោះវាមិនមែនជារឿងមួយដែលងាយស្រួលសម្រាប់ កីឡាករនោះ ឡើយ ហើយកម្មវិធីនេះ គឺជាកម្មវិធីផ្ទាល់ខ្លួន មិនមែនកម្មវិធីរួមនេាះទេ ។ គាត់មិនអាចពន្យាពេល បន្ដ​ទៀតបានទេ ព្រោះ មិត្ដភក្ដិ ព្រមទាំងគ្រួសាររបស់គាត់មកជួបជុំគ្នាអស់ហើយ ។ ចំពោះហេតុការណ៍​ដែល​កើតឡើងលើកក្រុម គាត់ក៏មិនសប្បាយចិត្ដ​ដោយមើលឃើញ ក្រុមរបស់ខ្លួនចាញ់ក្រោមដៃ របស់​​ Atletico Madrid ។ ប្រិយមិត្ដទាំងអស់គួរតែរីករាយជូនពរគាត់ទើបល្អ មិនត្រូវមានទស្សនៈបែបនេះឡើយ​ យ៉ាងហោចណាស់ក៏យល់ថា គាត់ក៏ជាកីឡាករល្បីម្នាក់ដែរ ។ 

សូមបញ្ជាក់ឡើងវិញថា កម្មវិធីខួបកំណើតរបស់កីឡាករត្រូវប្រារព្ធ​មុនថ្ងៃនៃការប្រកួត គឺ ថ្ងៃទី៥ ខែកុម្ភះ ​ប៉ុន្ដែគាត់​បានលើកថ្ងៃ ហើយអញ្ជើញមិត្ដភក្ដិជាច្រើន​មកចូលរួម នៅថ្ងៃជាមួយគ្នានៃការប្រកួត ដោយ​គាត់​សង្ឃឹមថា និងរីករាយជាមួយគ្នាក្រោយទទួលបានជោគជ័យ តែគ្រប់យ៉ាងមិនដូចជាការគិតនោះ​ឡើយ​ ដោយក្រុមរបស់គាត់​ ត្រូវ Atletico Madrid ស៊ី ៤ គ្រាប់យ៉ាងផុយ គ្មានការដៃរួច។ 

ដោយ៖ អឿ អ៊ុយ

ប្រភព៖ goal