CamNews

ស្វែងរកកំរិតខ្ពស់
ព័ត៌មានអន្តរជាតិ 

អ្នកស្រុកប៉ារីសភ័យខ្លាចជាខ្លាំង ពេលឃើញផ្សែង ខ្មួលខ្មាញ់ចេញពីតួ Eiffel (វីដេអូ)

អ្នកនៅប៉ារីសកាលពីយប់មិញ (១៤កក្កដា) មានការភ័យខ្លាចជាខ្លាំងនៅពេលឃើញផ្សែងខ្មួល
ខ្មាញ់ក្រោមតួ Eiffel ទន្ទឹមនឹងការវាយប្រហារដោយរថយន្តនៅទីក្រុង Nice ភាគខាងអាគ្នេយ៍
ប្រទេសបារាំង ដែលបណ្ដាលឱ្យមានមនុស្សស្លាប់ ៨០នាក់។

វីដេអូបង្ហាញថា ផ្សែងខ្មៅក្រាស់បានហុយឡើងពីជើងតួ Eiffel ខណៈដែលមនុស្សរាប់ពាន់នាក់
បានចេញទៅអបអរថ្ងៃបុណ្យឯករាជជាតិ។ បណ្ដារូបថតដែលត្រូវបានគេបង្ហោះនៅលើអ៊ីនធឺរ
ណែត ក៏បង្ហាញថា មានអណ្ដាតភ្លើងខ្ពស់ប្រហែល ៤-៥ម៉ែត្រនៅក្បែរតួ Eiffel។

ករណីមានផ្សែងខាងលើ បាននាំឱ្យមានការភ័យខ្លាចជាខ្លាំងសារជាថ្មី ចំពោះការវាយប្រហារ
ភេរវកម្មណាមួយមកលើអ្នកស្រុកប៉ារីស។

ប៉ុន្តែ ក្រោយមក នគរបាលបារាំង បានឱ្យដឹងថា ផ្សែង និងអណ្ដាតភ្លើងនេះ គឺកើតឡើងដោយ​សារកំហុសបច្ចេកទេសក្នុងពេលបាញ់កាំជ្រួចអបអរថ្ងៃបុណ្យឯករាជជាតិ។

សូមរំលឹកថា កាលពីយប់មិញ ក៏មានករណីភេរវកម្មដ៏ធំមួយបានកើតឡើងនៅក្នុងទីក្រុង Nice
របស់បារាំង ខណៈដែលបុរសម្នាក់បើកបរឡានដឹកទំនិញ ទៅបុកហ្វូងមនុស្សដែលកំពុងរង់ចាំ
មើលកាំជ្រួចក្នុងថ្ងៃបុណ្យឯករាជជាតិ។ ការវាយប្រហារនេះ បានសម្លាប់មនុស្សយ៉ាងតិច ៨០
នាក់ និងជាច្រើននាក់ទៀតរងរបួស។

ប្រទេសបារាំងបច្ចុប្បន្ន កំពុងត្រូវបានគេដាក់ក្នុងស្ថានភាពប្រកាសអាសន្ន បន្ទាប់ពីមានការវាយ
ប្រហារភេរវកម្ម កាលពីខែវិច្ឆិកា ឆ្នាំ ២០១៥។ ក្រុមខ្មាន់កាំភ្លើង ISIS កាលណោះបានវាយប្រហារ
ទៅលើពហុកីឡាដ្ឋានជាតិ រោងមហោស្រប Bataclan បណ្ដាភោជនិយដ្ឋាន និងហាងកាហ្វេ។
ការវាយប្រហារនោះ បានសម្លាប់មនុស្ស ១៣០នាក់។

ប្រែសម្រួល ៖ បុត្រា


Tags: ភេរវកម្ម,  បារាំង,  ឆ្នាំ ២០១៦

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......