CamNews

ស្វែងរកកំរិតខ្ពស់
ព័ត៌មានអន្តរជាតិ 

កូរ៉េខាង​ត្បូង បញ្ជាក់​ច្បាស់ៗ​ថា​​នឹង​វាយ​ប្រហារ កូរ៉េ​ខាង​ជើង ភ្លាមៗ ប្រសិន​បើ​មាន​ការ​ប្រើ​ប្រាស់

(សេអ៊ូល)៖ ​ក្រសួងការពារជាតិកូរ៉េខាងត្បូង បានប្រកាសនៅថ្ងៃចន្ទនេះថា យោធារបស់ខ្លួននឹងធ្វើការ វាយប្រហារទៅលើប្រទេស កូរ៉េខាងជើង ភ្លាមៗ នៅក្នុងករណីដែលមានការ វាយប្រហារដោយ អាវុធនុយក្លេអ៊ែរពីសំណាក់ របបដឹកនំាទីក្រុង ព្យុងយ៉ាង។ នេះបើយោងតាមការចុះផ្សាយរបស់ ទីភ្នាក់ងារសារព័ត៌មានចិន ស៊ិនហួរ នៅរសៀលថ្ងៃចន្ទ ទី១០ ខែតុលា ឆ្នាំ២០១៦។


នៅក្នុងសន្និសីទសារព័ត៌មាន អ្នកនំាពាក្យក្រសួងការពារជាតិកូរ៉េ​ខាងត្បូង លោក Moon Sang-​kyun បានលើកឡើងថា «ការវាយប្រហារការពារខ្លួន អាចនឹងត្រូវធ្វើឡើងភ្លាមៗ បើសិនជាកូរ៉េ​ខាងជើង ប្រើប្រាស់អាវុធ នុយក្លេអ៊ែរ វាយប្រហារមកលើទីក្រុងសេអ៊ូល»។ ការលើកឡើងបែបនេះ របស់​លោក Moon Sang-kyun ធ្វើឡើងនៅចំពេលដែលទីក្រុងវ៉ាស៊ីនតោន និង ទីក្រុងសេអ៊ូល កំពុងធ្វើ សមយុទ្ធយោធារួមគ្នា នៅឯតំបន់សមុទ្រឧបទ្វីបកូរ៉េ ខណៈទីក្រុងព្យុងយ៉ាង ក៏កំពុងប្រារព្ធខួបលើកទី ៧១ឆ្នាំ នៃថ្ងៃបង្កើតគណបក្សពលករកូរ៉េ នៅថ្ងៃចន្ទនេះ។


ម្យ៉ាងវិញទៀត ការរំលឹកពីការប្រើប្រាស់កម្លាំងយោធាទៅលើទីក្រុងព្យុងយ៉ាង ក៏ត្រូវបានគេលើកឡើង ផងដែរ នៅឯសហរដ្ឋអាមេរិក នៅក្រោយពេល កូរ៉េខាងជើង បានបាញ់សាកល្បងអាវុធនុយក្លេអ៊ែរ កាលពីថ្ងៃ ទី០៩ ខែកញ្ញា កន្លងទៅនេះ។ យ៉ាងណាក៏ដោយ ការប្រើប្រាស់កម្លាំងយោធាប្រឆាំងនឹង កូរ៉េខាងជើង ធ្លាប់ត្រូវបានរដ្ឋាភិបាលកូរ៉េខាងត្បូងមុនៗ ជំទាស់ជាដាច់ខាត ព្រោះថាវានឹងនំាឱ្យ ឧបទ្វីបកូរ៉េ ធ្លាក់ចូលក្នុងភ្លើងសង្រ្គាមសាជាថ្មី។

គួររំលឹកតានសម្តីមន្ត្រីយោធា កូរ៉េខាងត្បូង ម្នាក់ បានឱ្យដឹងនៅក្នុងលក្ខខណ្ឌមិនបញ្ចេញឈ្មោះថា កូរ៉េខាងជើង បានត្រៀមខ្លួនជាស្រេច ដើម្បីបាញ់សាកល្បងអាវុធនុយក្លេអ៊ែរ ជាថ្មីម្ដងទៀត ដោយនៅរង់ចំាតែបញ្ជាពីលោក គីម ជុងអ៊ុន តែប៉ុណ្ណោះ៕



ផ្តល់សិទ្ធដោយ ៖ ខ្មែរថកឃីង


Tags: north korea,  south korea,  missile,  satellite

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......