អត្តពលិកអូឡាំពិកកូរ៉េខាងជើង ត្រូវហាមមិនឱ្យទទួល Galaxy S7 edge ពី Samsung
កូរ៉េខាងជើង បានហាមអត្តពលិកចំនួន ៣១នាក់របស់ខ្លួន ដែលបានចូលរួមប្រកួតក្នុងព្រឹត្ដិការណ៍
អូឡាំពិក Rio 2016 មិនឱ្យទទួលអំណោយដែលជាស្មាតហ្វូន Samsung Galaxy S7 edge ពីព្រោះ
វាជាផលិតផលរបស់កូរ៉េខាងត្បូង។
ក្រុមអត្តពលិកកូរ៉េខាងជើង
Samsung គឺជាម្ចាស់ឧបត្ថម្ភរបស់ព្រឹត្តិការណ៍កីឡាអូឡាំពិកដែលត្រូវបានធ្វើឡើងនៅប្រេហ្សីល។
ក្នុងខែកក្កដា ក្រុមហ៊ុនទូរស័ព្ទកូរ៉េខាងត្បូង បានបញ្ចេញស្មាតហ្វូនកំណែ Olympic Games Edition
របស់ Galaxy S7 edge ហើយបានចំណាយទូរស័ព្ទនេះចំនួន ១១.២០០គ្រឿង ដើម្បីជូនជាអំណោយ
ដល់ក្រុមអត្តពលិកទាំងអស់ដែលបានចូលរួមប្រកួត។ ប៉ុន្តែ ស្មាតហ្វូននេះ នឹងមិនបានទៅដល់ដៃ
ក្រុមអត្តពលិកកូរ៉េខាងជើងនោះទេ ព្រោះថា គណកម្មការអូឡាំពិកនៃប្រទេសនេះ បានបដិសេធ
អំណោយនេះ។
យោងតាមទំព័រ BTimes ប្រធានក្រុមអូឡាំពិកកូរ៉េខាងជើង បានប្រមូលស្មាតហ្វូន Galaxy S7 edge
ពីអត្តពលិករបស់ខ្លួន ដោយមិនបានប្រាប់ច្បាស់អំពីមូលហេតុ។ ក្រុមអត្តពលិកកូរ៉េខាងជើង ក៏បាន
បដិសេធ មិនឆ្លើយនឹងសំនូរណាមួយផងដែរ។ ក៏ប៉ុន្តែ យោងតាមការបង្ហើបឱ្យដឹងពីអត្តពលិកកូរ៉េ
ខាងត្បុង មិនមែនតែនៅក្នុងព្រឹត្តិការណ៍អូឡាំពិកនោះទេ កូរ៉េខាងជើង ក៏តែងតែបានប្រមូលយក
អំណោយទាំងឡាយដែលអ្នកឧបត្ថម្ភជូនចំពោះក្រុមកីឡាកររបស់ខ្លួន។
ទាក់ទឹននឹងកីឡាអូឡាំពិកនេះដែរ សាធារណជនកំពុងតែមានការព្រួយបារម្ភចំពោះអត្តពលិក
Hong Un Jong ដែលអាចនឹងត្រូវបានដាក់ទណ្ឌកម្ម បន្ទាប់ពីបានថតរូបសែលហ្វីជាមួយអត្តពលិក
Lee Eun Ju របស់កូរ៉េខាងត្បូង។ ទំព័រ Daily Star បានចេញផ្សាយថា ជាមួយនឹងច្បាប់កូរ៉េខាង
ជើង Hong Un Jong អាចនឹងត្រូវពិន័យឱ្យធ្វើពលកម្ម ១៦ម៉ោង/ថ្ងៃ នៅក្នុងមន្ទីរកែប្រែ សម្រាប់
ទោសស្រាល ប៉ុន្តែ បើធ្ងន់ជាងនេះ Hong Un Jong អាចនឹងត្រូវជាប់ព័ន្ធនាគារ។ យ៉ាងនេះក្ដី ភាគី
ខាងកូរ៉េខាងជើង មិនទាន់បញ្ចេញប្រតិកម្មណាមួយទាក់ទឹននឹងករណីនេះ។
អត្តពលិកកូរ៉េខាងជើង នាង Hong Un Jong ថតជាមួយអត្តពលិកកូរ៉េខាងត្បូង នាង Lee Eun Ju
ចាប់តាំងពីបានចូលរួមព្រឹត្តិការណ៍អូឡាំពិក កាពីឆ្នាំ ១៩៧២ កូរ៉េខាងជើង តែងតែហាមមិនឱ្យ
អត្តពលិករបស់ខ្លួន មានទំនាក់ទំនងជាមួយនឹងមនុស្សនៅក្រៅប្រទេស ពិសេសគឺកូរ៉េខាងត្បូង។
ប្រទេសបងប្អូនគូសត្រូវនេះកំពុងតែមានភាពតានតឹងទាក់ទឹននឹងរឿងនយោបាយ និងយោធា
ដែលមិនអាចដោះស្រាយបាន សំខាន់គឺបញ្ហានុយក្លេអែររបស់កូរ៉េខាងជើង។
ប្រែសម្រួល ៖ បុត្រា
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
