CamNews

ស្វែងរកកំរិតខ្ពស់
ព័ត៌មានអន្តរជាតិ 

អុញនោះ! លោក ដូណាល់ ត្រាំ ប្រកាសថា «សហរដ្ឋអាមេរិកគួរតែ ពង្រីកឃ្លាំងផ្ទុកអាវុធនុយក្លេអ៊ែរ»

(វ៉ាស៊ីនតោន)៖ ប្រធានាធិបតីអាមេរិកលោក ដូណាល់ ត្រាំ បាននិយាយថាលោកមានបំណងបង្កើនឃ្លាំងអាវុធនុយក្លេអ៊ែរ ដើម្បីធានាឱ្យបានថាសហរដ្ឋ អាមេរិកនៅតែបន្តឈរជាមហាអំណាចលេខ១នៅលើពិភពលោក និងថែមទាំងបានសន្យាដែរថា សមត្ថភាពនុយក្លេអ៊ែរអាមេរិក នឹងមិនអាចរត់តាមពីក្រោយបណ្ដាប្រទេសដ៏ទៃរួមមានទំាងមិត្ត ឬក៏សត្រូវជាដាច់ខាត។ នេះបើតាមការចេញផ្សាយដោយសារព័ត៌មាន Russian Today នៅព្រឹកថ្ងៃសុក្រ ទី២៤ ខែកុម្ភៈ ឆ្នាំ២០១៧។

ការលើកឡើងបែបនេះរបស់លោក ដូណាល់ ត្រាំ ធ្វើឡើងនៅក្នុងបទសម្ភាសន៍ជាមួយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍សប្ដាហ៍នេះ។ លោក ត្រាំ បានបញ្ជាក់ដូច្នេះថា «វាពិតជារឿងអស្ចារ្យសម្រាប់ក្ដីស្រមៃ គ្មានប្រទេសណាមួយមានអាវុធនុយក្លេអ៊ែរក៏ប៉ុន្តែបើសិនជាប្រទេស ទាំងអស់មានឬកំពុងអភិវឌ្ឍន៍អាវុធនុយក្លេអ៊ែរ យើងត្រូវតែឈរនៅលើគេ ពោលគឺយើងមិនអាចរត់តាមពីក្រោយប្រទេសណាមួយនោះទេ បើទោះជា ប្រទេសនោះជាមិត្ត ឬជាសត្រូវក៏ដោយ។ យើងមិនអាចរត់តាមពីក្រោយជាដាច់ខាត ក្នុងនាមជាមហាអំណាចនុយក្លេអ៊ែរ»។

គួរបញ្ជាក់ថានៅក្នុងបទសម្ភាសន៍នោះ លោក ដូណាល់ ត្រាំ ក៏បានគូសបញ្ជាក់ដែរថារុស្ស៊ីបានដាក់ពង្រាយប្រព័ន្ធមីស៊ីលថ្មីជាច្រើន ដែលនេះជាទង្វើ រំលោភលើសន្ធិសញ្ញាគ្រប់គ្រងអាវុធឆ្នាំ១៩៨៧ ហើយថាលោកនឹងយកបញ្ហានេះ ទៅនិយាយជាមួយប្រធានាធិបតីរុស្ស៊ីលោក វ្ល៉ាឌីមៀ ពូទីន បើសិនជាអ្នកទំាងពីរ អាចជួបគ្នានៅថ្ងៃណាមួយ៕

ប្រភព ៖ RT 


Tags: India,  Russia,  Satellite,  Int news,  Hot news, 

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......