វាយប្រហារ ភារវកម្ម ស្លាប់ភ្លាមៗ ពលទាហាន ១៧នាក់ នៅមូលដ្ឋានយោធា
ព័ត៌មានអន្តរជាតិ ៖ ហោចណាស់ ពលទាហាន ១៧នាក់បានស្លាប់បាត់បង់ជីវិត ខណៈ ៣០នាក់ ផ្សេងទៀត រងរបួសធ្ងន់ស្រាល ក្រោយពីមានការវាយប្រហារ ទៅលើមូលដ្ឋាន យោធា នៅក្នុងប្រទេស ម៉ាលី ។ សេចក្តីរាយការណ៍ ចុះផ្សាយឲ្យដឹងថា ខ្មាន់កាំភ្លើងជាច្រើននាក់ បានបើកការវាយប្រហារ ភ្លាមៗទៅលើមូលដ្ឋានយោធា នៅភាគកណ្តាលទីក្រុង Nampala ដោយបានដុតទីតាំងមួយចំនួនឲ្យ រងនូវការឆាបឆេះ។
ក្រុមឧទ្ទាម (ក្រុមបះបោរ) ២ក្រុម អះអាងថាខ្លួនគឺជាអ្នកវាយប្រហារអត្តឃាតលើកនេះ ប្រធានាធិបតី លោក Ibrahim Boubacar Keita កោះឲ្យមានកិច្ចប្រជុំសន្តិសុខជាបន្ទាន់ជាមួយនឹង បេក្ខភាព លោក នាយករដ្ឋមន្រ្តី ក៏ដូចជា ជាមួយនឹង រដ្ឋមន្រ្តីការពារជាតិ មេបញ្ជាការកងទ័ពជាដើម ។ គួររំឮកថា មាន ក្រុមឧទ្ទាម (ក្រុមបះបោរ) ជាច្រើននៅក្នុងប្រទេស ម៉ាលី ក្នុងនោះ ក៏រួមមានក្រុមជីហាត និងក្រុមរដ្ឋ អ៊ីស្លាមជាច្រើនក្រុមផ្សេងទៀត ដូចគ្នាដែរ ។ ក្រុមបះបោរដែលទើបតែបង្កើតឡើងនោះ បានលើក ឡើងឲ្យដឹងថា ខ្លួនជាអ្នកនៅពីក្រោយនៃការវាយប្រហារលើកនេះ ដើម្បីជាការសងសឹកទៅលើ យោធា ម៉ាលី ដែលបានបើកការវាយប្រហារ ទៅលើក្រុមកុលសម្ព័ន្ធ Fulani របស់ខ្លួន ។ ប៉ុន្តែ ក្រុមរដ្ឋ អ៊ីស្លាមជ្រុលនិយម Ansar Dine ក៏បានលើកឡើងថាខ្លួនគឺជាអ្នកវាយប្រហារដូចគ្នាដែរ ។ កាលពី ឆ្នាំ កន្លងទៅនេះ ក្រុមឧទ្ទាមដល់ទៅ ៣ក្រុម បានអះអាងថាខ្លួនជាអ្នកវាយប្រហារអត្តឃាត ទៅលើ សណ្ឋាគារ ទីក្រុង Bamako ៕
* បញ្ជាក់ ៖ រូបទី ៣ រូបភាព ឯកសារ
ប្រែសម្រួល ៖ កុសល
ប្រភព ៖ ប៊ីប៊ីស៊ី
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
